ماذا تريد من المرأة

 الراجل لما بيجيب كلب في البيت بيبقى مبسوط بيه قوي و كل اللي الكلب بيعمله انه بيهز ديله لما يشوفه ويقعد جنبه وهو بيتفرج على التليفزيون او مباراة و لما يخرج بياخد باله من البيت محدش يدخله و في مقابل انه بيوفر له الاكل و بيخرج معاه كل يوم علشان يفسحه و يقضي حاجته

لما الكلب ياكل العفش و يقطع الستاير و الفرش مش بيعترض وممكن يزعق له و خلاص مش بيسيبه و يرميه في الشارع
فيه رجالة بتخلص للكلاب اكثر من زوجاتهم 

لان مراته بتعترض لما يتأخر و مش بتقعد جنبه ساكتة ساعة ما يتفرج على مباراة و بتحدد مين اللي ييجي و مين ما يجيش 

من الواضح ان بعض الرجالة بتبقى عايزة كلب في البيت بس قابل للاستخدام 

رجالة ما عندهاش الشعور بالمسئولية و ان ربنا لما اعطاه القوامة علشان هو اللي يقيم المنزل بماله و رجاحة عقله 

بعض الرجال تمزج الرجولة والقوامة بالذكورة و ده خطأ كبير وبيسبب ان العديد من المنازل بتهدم لعدم توافر القوامة الصحيحة للاسرة و البيت 

الزوجة شريكة ليست حيوان اليف جاء ليسكن معك فتعطيه الطعام و المنزل و يجب ان يفرح لرؤيتك اينما عدت الى المنزل 

الزوجة لديها مشاعر و حياة و رأي و يجب على الزوج ان يعلم ذلك

فإذا كنت تريد من الزوجة ان تكون كلبا اليفا فعليك الا تتنزوج فالزواج لا يصلح لهذا الفكر 

الزواج مؤسسة تعمل فيها قيم 

فهل تستطيع ذلك