طفلة للابد

 ما تستعجلوش على المعرفة لان الثقافة بتتبني في سنوات والرسول عليه الصلاة والسلام قعد اربعين سنة قبل ما ياخد المسئولية ثاني حاجة استغلوا دايما وقت المواصلات في القراءة  او قبل النوم دول اوقات ملككم ثالثا اكتبوا كل حاجة او تجارب عشتوا فيها باي شكل وبعدين سيبوها واقروها بعد شوية وحسنوا اللي كتبتوه  تاني كل ما تحسنوا فيها حتنبسطوا اكتر وده نوع من انواع التنفيث عن الغضب او الزعل لاي تجربة بتمر علينا رابعا لا تعتبروا  الانتقاد انتقاص لان في الاساس كتر خير كل اللي يقول لنا  اننا  غلط وكتر خير اللي يقولنا  اننا  صح لأن في الحالتين الاتنين اهتموا خامسا ما تستكبروش ان تعترفوا بالغلط بس لازم تعرفوا سبب الغلطة ايه و ازاي تتصلح وازاي ما تتكرش تاني

انشغلت السيدات بالتفوق الدراسي فانتجت جيلا معاق اجتماعيا مدمر نفسيا وصحيا النمر مش بتعمل بني آدم ومش بتطلع فنان ومش علامة على انك افضل ام في العالم

نظرت الى المرآة فلم يعجبها ما رأت ذهبت الى طبيب الاسنان فقام بتقويم اسنانها واختلفت ابتسامتها ذهبت الى طبيب التغذية واستطاعت ان تنقص وزنها ذهبت الى طبيب التجميل فزال ما ترهل من الوجه ذهبت الى المصر والتقطت لنفسها صورة وهي في ابهى صورها استخرجت العشرات من الصور وملأت صفحاتها الالكترونية بالصور الجديدة الجميلة وضعت صورة منها في قلادة ووضعت القلادة حول رقبتها كسرت المرآة وعاشت حياتها صورة بين الناس قالت للناس هذه انا ولم تعلم ماذا يرى منها الناس سوى ما تراه في الصورة

كره المدرس فاضرب عن المادة وصار جاهلا عبيطا يضحك عليه كل الرجال ما تخلوش كرهكم للشخص يقفل عليكم طريق العلم فيه ناس سابت الدين علشان مش عاجبها الازهر وهو مش عاجبه اداء بعض اساتذه الازهر الشريف الذي اقام الدين في وقت كانت الدنيا كلها جهالة

جلس ثلاث من الشباب وكل منهم له هدف قال الاول حين اموت سيبكي علي الشجر والحجر قال الثاني حين اموت سيبكي علي كل البشر قال الثالث لن يبكي علي الا من احبوني صار الاول يسقي كل شجرة يراها ويملس ويبكي على كل حجرة تنكسر وعاش حياته بين الشجر والحجر فاحبه الشجر والحجر صار الثاني يساعد كل البشر ويقف معهم في احزانهم ويسرهم في مسراتهم وعاش بينهم طول حياته فاحبه البشر عاش الثالث لا يؤذي بشرا ولا يحطم صخرا ولا يقتل شجرا وهو يشتاق الى الله فيعمل كل ما اراده ربه فاحبه الله وجعل البشر والشجر والحجر يحبه وحين مات الاول بكت الاشجار حتى اصفرت اوراقها وسقط الحجر من الحزن حتى تفتت وحين مات الثاني بكي البشر قليلا واقاموا له سرادقا يملأ الآفاق ثم استمرت الحياة وحين مات الثالث بكي عليه الحجر والبشر والشجر واصبح بالنسبة لهم ايقونة الحب فاقتدى به الآخرون

لما قرأت فاتحة الكتاب بتمعن وكانها تديني لكل ما يتضمنه الكتاب وجدتها فعلا تتحدث عن رحمة الله وملكه ليوم الدين الذي نعمل له اليوم في حياتنا العادية ووجدت ان في تفاسير القرآن في آخر الفاتحة وهي غير المغضوب عليهم ولا الضالين انهم يفسرونها انها اليهود والمسيحيين وكنت احزن لان تلك الفاتحة لا يجب ان تكون فيها تمييز مشين يجعل الشخص ينظر لكل يهودي انه مغضوب عليه وكل مسيحي انه ضال ولكن وجدت ان الفاتحة تقول اهدنا الصراط المستقيم صراط الذين انعمت عليهم غير المغضوب عليهم ولا الضالين وهو بذلك يدعوا ربه ان يهديه الى الصراط الذي اتبعه المنعم عليهم غير المغضوب عليهم ولا الضالين يعني الفاتحة لم تتحدث عن ديانة بالمرة ولكنها طلبت من الله اي يهدينا هداية المنعم عليهم وليس هداية الضالين ولا المغضوب عليهم وكون ان المفسرين اعزوها الى المسيحية او اليهودية على اعتبار انها حيود عن الصحيح فهذا لا اعتبره صحيحا وان كان معظم ما اخذناه من طفولتنا وسمعناه من اليهود انفسهم انهم مغضوب عليهم وتشتتوا في الارض لهذا السبب لكثرة عنادهم مع انبيائهم وقتلهم الانبياء ولكن الضالين هم كثر انا الآن ارى ان بعض الضالين لديهم صراطه...

امي ملاك لا يخطئ وما تفعله يدرس في الحياة طريق كيف تخطئ وقد علمتني الصح من القول لا عقلي يقبل وقلبي يرفض وابي وان قسى فخطأه مبرر وكيف يخطئ وهو الذي انشأني ورباني اطعمتني لبنا خالصا لي وكساني بما سترني من اعين الناس هذه النظرة العاطفية المصرية نطبقها للاسف حتى على الحاكم والحكومة 

من اسباب السعادة والانجاز انك تختار لنفسك مهمة تقدر تعملها من غير ما تعسف نفسك يعني ما ينفعش واحدة تقول السنة دي حاعمل الكحك وهي ما تعرفش تعمل كيكة والخبز عندها صعب جدا وبتتعب من المجهود يبقى كفاية عليها كريم كراميل مثلا ما اتخيلش اني ممكن اصلح العربية بنفسي وانا مش باعرف اي حاجة عن ميكانيكا السيارات حتى لو كنت متخرج من الهندسة دايما حضر حاجة تقدر تعملها طيب انا باقول الكلام ده ليه بامهد للي حاقوله جمعية جواهر الحياة اختارت انها تشتغل في منطقة ابيس ثمانيات يعني حددت مكان جغرافي وبدأت بالعمل على الاطفال من سن 7-16 سنة دخل معانا منطقة في حدود الاسكندرية مع البحيرة وده لان للاسف محافظة البحيرة شاسعة مترامية الاطراف وفيها نجوع مكانها بعيد عن المدن وبالتالي مفيهاش خدمات معقولة ويسكنها ناس متعسر عليهم الحال فقمنا بمساعدتهم واتجرت رجل الجمعية للتنمية المستدامة وبالتالي خلينا الجمعية تمشي في اتجاهين وان شاء الله يكونوا الاتجاهين دول بس اولا : التعليم الحرفي للاطفال المهمشين في منطقة ابيس ثانيا : التنمية المستدامة للمهمشين في المناطق النائية والريفية وبالتالي كان التنمية في منطقة نجع الشيخ الع...

الاعلام تسبب في الغاء الكثير من القيم داخل المجتمع ايامنا كنا نقول قالوا في التليفزيون زي ما يكون مرجع او كتبوا في الاهرام دلوقتي لو حد قال لي سمعت في التليفزيون على طول اعتبره انه يجب التأكد من الخبر هييييه  كانت ايام 

ناقش حياتك مع نفسك شوف انت دلوقتي فين ما تزعلش على حاجة ناقصة بمفهوم البشر اسأل ربنا يوريك حكمته في انها مش عندك قد تحصل على ما تريد ولكن ليس دائما يكن هذا المراد الافضل ايوة فيه ساعات الانسان من كتر الضغوط النفسية والاجتماعية بيبقى عايز يرضي الناس علشان ما تبصلوش بصة دونية ويشعر انه اقل من توقعاتهم ولكن مش لازم تتقيد بالناس واللي بيتدخل في اللي مش ليه هو اللي لازم يستحي بلاش تخلي حياتك عبارة عن ما ينتظره المجتمع منك

خليك دايما الشاطر اللي بيطلع الملاك اللي جوه كل انسان الملاك اللي اتولد بيه واتدفن مع المشاكل والهموم الملاك اللي مستني كلمة حنينة يمسك فيها ويقول الدنيا بخير الملاك اللي مكسوف يطلع يقولوا عليه عيل صغير والا عبيط خليك انت اللي تشده وتطلعه لبره وتقول له ياريتك تفضل على الوش وسيبك من الوحوش اللي حتخليك تتدفن بالحياة

كلها يومين والستة تطلع على الشمال في عمري الستين اللي كنت زمان فاكراه سن الناس الكبار والعواجيز اتاري الستين دي كانها تلاتين مرتين يعني محدش يقول لي انتي بقيتي ستين سنة لا يقول لي انتي لتاني مرة تبقي تلاتين ممكن رابع مرة ابقى خمستاشر مش حامانع المهم ان الستين مشكلاته قليلة النظر ضعف بس النظارة بتعوض المجهود قل كله بيخلص بالكمبيوتر والانترنت والتليفون الزيارات قلت بس الفيسبوك مخليك مع الناس كلها انواع الاكل اتغيرت بس الطعامة هي هي ربنا يخلي الفاكهة والشكولاتة صحيح ما بقيتش اقدر اقرأ زي الاول لكن بقيت ادرك الحاجة اسرع العشرات الستة اللي مرت علي ما عدتش سهلة ولكن كانت بتسهل علي السنوات الجاية صحيح ما قعدتش كتير في مدرسة واحدة وما عنديش ناس فضلوا معايا من حضانة لكن عندي من كل مدرسة قعدت فيها ولو ستة شهور اصحاب بيحبوني وباحبهم وفاكرني صحيح ما فضلتش في نفس الشغل بحيث اترقى وامسك حاجة كبيرة لكن كل شغلانة اشتغلت فيها طلعت منها بخبرة واصدقاء وتركت فيها جزء مني صحيح ان انا كبرت في السن بس حكمة السنوات ساعدتني اكون طفلة بس اروبة اتمنى من الله انه يكون قبل مني السنوات اللي فاتت الخير منها ويعفوا ...

في التنمية ما ينفعش تعطي كل اسباب التنمية مرة واحدة يعني ما ينفعش واحد عايش في عشة تديله شقة وشغل وتدفع ديونه في يوم واحد وتقول له خلاص كل مشاكلك اتحلت عيش هو مش حيعرف يعيش هو حيعتبر ان فيه معجزة حصلت وان ربنا بعتله كل الحاجات دي لكن مخه مش مستوعب النعمة الفجأة زي الموت الفجأة اي حاجة فجأة مش مستعدلها تبوظ دماغك بلاش الهجوم على المسكين اديله شوية شوية وانت في نفس الوقت بتديله الثقة في العالم وان الناس حاسة بيه الاول ينظف وبعدين ياكل و وبعدين يكسب وفي الآخر بعد ما يعرف معنى المكسب الحلال والشرف والكرامه وريله ازاي يكبر مشروعه وازاي يعلم اولاده وازاي يغير ثقافته هي دي الخطة اللي بنحاول نعملها في جواهر الحياة

قراءة اللغة العربية هي مفتاح اتقانك لها اقرأ كثيرا لكل الكتاب وانواع وانماط الكتب شوف اسلوب واحد شوف صياغة التاني شوف خيال الثالث القراءة تفتح خيالك 360 درجة وتحلق مع افكار الناس وتمتطي جياد خيالهم في عالمك لو عايز تكتب عربي كويس اقرا كتير بلاش التليفزيون الهي يكرم اهلكم اللي حيبوظ كل اعضاء الاسرة المصرية العربية

الاعلام كان لازم يكون له مدينة لانه عايش لوحده فيها والبلد عايشة في حتة تانية خالص عايزين بقى سفير وباسبورتات ويبقوا ييجوا يزورونا ساعات علشان يعرفوا هم بيتكلموا عن مين

لو حد واحشك قوي قوي قوي قوم اشتري كام سندويتش واديهم لولد في الشارع وقول له فلان باعتهملك

ساعات بحس ان العربي ممكن يتحط في معادلة مبتدأ + خبر = جملة خبرية فعل + فاعل + مفعول به = جملة فعلية الفعل = 3x او 4x حسب حروفه الفعل المضارع المذكر = ي + الفعل وقيس على كدة حاجات كتير لان العربي كله بييجي من جذور الفعل

كنت صغيرة احلم ان اكون من العلماء وكم غبطت كل من اكتشف اكتشافا علميا وتمنيت ان اكتشف انا ايضا ظاهرة او شيء يضعني بجوار العلماء وذلك بعد معرفتي بان لا انبياء بعد الرسول وبالتالي لن اصبح نبيه وايضا لا انبياء من النساء حلمت بانجاز علمي جبار ومجتمع يبكي على فراقي وجنازة تملأ الشوارع وظللت اتفوق في دراستي وانا احلم بان اصبح من العلماء في اي تخصص اختاره كبرت والحلم موجود ولكن وصل العلم للدرجة التي يجعل اضافة متغير في معادلة يصبح اكتشافا وهو ليس بالاكتشاف الذي يبهر البشرية وتواضعت احلامي فاصبح الحلم ان انشر بحثا في مؤتمر علمي ان انشر قصة من قصصي التي قمت بتأليفها على مدار سنوات عمري المتواضعة وظللت احلم وتحققت الاحلام وكثرت الانجازات ولكن لم اشعر بان هذا ما ارسلني الله لكي انجزه علمت انني لن ابلغ الجبال طولا علمت انني بشر وان ما انجزه هو ما يسره الله لي علمت انني مهما علمت فانا لا اعلم اصبحت حلمي وهدفي هو رضاء الله عز وجل

رمضان حبيبنا تعالى قوام نسهر وننام مع قرايبنا جيران واصحاب قاعدين صاحين الباب في الباب متجمعين على فعل الخير وصلاة وقيام وقلوب الطير على الجنة قوام _________________________________ رمضان حبيبنا فيه فانوس  مخصوص في الوانه تلوص ازرق و احمر و اصفر وتعوص ايدك بكنافة ملفوفة في خيمة معروفة تمر و مرصوص ـــــــــــــــــــــــــــــــــــــــــــــــــــــــــــــــــــــــ في ليلة قدر لحد الفجر   ناس ملهوفة في دعاء للرب ـــــــــــــــــــــــــــــــــــــــــــــــــــــــــــــــ عيال واقفة مستنية ضربة مدفع المغربية  قبل الاكل صلاة وصيام وبعد الاكل مشمشية قطايف محشية ـــــــــــــــــــــــــــــــــــــــــــــــــــــــــــــــ بعد صيام يوم وايام تعدي بفرحة ساعة المغرب دعوة تمام وشكر لفرحة ربك بيك شايفك حايش نفسك عينيك وايديك رجليك و جوارحك عن ذنب صغير والا كبير من اكل وظلم ولغو خطير ـــــــــــــــــــــــــــــــــــــــــــــــــــــــــــــــ جدي بينادي الفجر وصل جدتي ملهية في كحك وع...