طفلة للابد

نعمة النهاردة هي نعمة الصلاة لان الصلاة دائما تشعر من يداوم عليها بالهدوء النفسي والاستقرار فهي تؤكد له صلته بالخالق والصلاة هي خليط من الدعاء والشكر والخشوع والخضوع والاستسلام والاقرار لمن الملك ان الاستعداد للصلاة بالطهارة هي نوع من تذكير النفس بقداسة ما ستقوم بفعله ولمن يصلي بخشوع يجد ان الوضوء جزء لا يتجزأ من الطقوس لانك تبدأ بنظافة الاطراف والرأس وتنتهي بنظافة الروح والنفس ان الصلاة هي صلة والصلة تتصل بالموصول فان تواصلت مع الله فستجد ما عداها هين انا اتعجب ممن يستهين بها ولا يعطيها قدرها فالصلاة الصحيحة تبعد الانسان عن الشعور بالنقص وعدم الكمال تشعر الانسان بأنه يقف امام الاكبرليس بينه وبين العظيم حجاب كل ما عليه ان يستعد ثم يقرر ثم يبدأ في التواصل تتحدث فيسمع ولا يتعجل فيطلب منك السرعة في الطلب بل يطلب منك الالحاح تتحدث وتنحني لعظمته وتسبح بحمده وهو يستمع اليك ويستجيب الصلاة لو علم اي انسان قدر ما تفعله في طاقتك الداخلية وقوتك على مواجهة اختبارات الحياة ما تركها انسان ومن نعمة ربنا علينا انه خلاها في اي مكان يعني الصلاة في البيت...

النهاردة كنت عايزة اتكلم على نعمة مهمة بس احنا مش شاعرين باهميتها وهي البكاء انا زمان وانا صغيرة كنت بابكي على اي حاجة لدرجة ان مامتي كانت بتقول لي يا دمعة حاليا مش باقدر ابكي خالص لا في الحزن ولا في التأثر البكاء اصبح مستحيل بالنسبة لي وبالتالي اصبح التأثر والحزن يترجم داخل جسمي بتدمير ذاتي البكاء وسيلة لإخراج المشاعر المختلفة سواء فرح او حزن او ضيق او تأثر او خشوع وكل المشاعر دي لو ما طلعتش بشكل ايجابي تؤثر سلبي على الانسان البكاء يرطب العين ويرطب على القلب وينفس عما يجيش في صدرك في القرآن جاء ذكر البكاء في اماكن كثيرة واغلبها في مربوط بالسجود ولكن ذكر مرة في سورة يوسف لما اخواته جاءوا يبكون علشان يداروا على فعلتهم لما سابوا اخوهم في البئر كانت تمثيلية علشان تتظبط انهم زعلانين البكاء عند الخشوع هو ان الانسان بيستشعر وجود قوى اكبر منه ويتوافق معها وتزداد الطاقة داخلة لدرجة انه بيبكي ليخرج بعض من تلك الطاقة في سورة التوبة ربنا بيتكلم على الناس اللي مش مصدقة وبيضحكوا من الذين امنوا فبيقول لهم اضحكوا شوية بس حتبكوا بعدين وفي سور...

من النعم اللي انعمها الله علينا ويمكن مش كلنا بنفكر فيها كتير هي السحاب السحاب في الصيف بيبقى جميل قوي وبالذات لما يكون متقطع ومش لازم فيمر عليك فترة تلاقي الشمس تستخبى وترجع تاني السحاب لما يبقى كتير بيبقى زي شجرة متظلل تحتها في الصيف ولما تبص لها تلاقي اللون الابيض مختلط بالازرق في تناغم جميل مع شعور بالانتعاش فقط من وجوده السحاب لما تعلى في الجبال وتعيش داخله بيبقى زي الشابورة اللي بنشوفها ساعات في الاراضي الزراعية لتوفر بخار المياه كتير ولكن لما تشوفه من بعيد تحبه وتشعر انه منعش لكن في الشتاء ده قصة تانية ساعات تشوفه تشعر بالعظمة والقوة للونه الغامق وبالذات لما يسد السماء ويحجب الشمس على قدر ما الشمس بتكون فيها قوة على قدر ما بيغطيها السحاب وبيقول لها انا اللي لي الكلام دلوقتي السحاب لما بيطلع منه البرق بيبقى منظر مفزع وبالذات لما تكون قريب من الصواعق بتاعته وصوت الرعد بيقول انتبهوا انا حاجيب لكم الخير السحاب لما تعرف انه ساعات بيكون على ارتفاع كيلو فوقك مش حتصدق وبيبقى نفسك تمسكه زي رغاوي الصابون والسحاب من الطائرة له شكل مختلف بالفعل تشعر انه عامل زي المخدة القطن اللي ش...

ان شاء الله لو ربنا كتبلي عمر حاحاول الشهر الجاي كل يوم اكتب على نعمة من النعم اللي ربنا انعمها علينا النهاردة حاتكلم على نعمة الاهل الاهل دول مش بس اشخاص حوالينا شايفينا وشايفينهم مش ناس اتوجدوا في حياتنا الاهل دول امتداد لو عندك ايد بيبقى عندك اتنين وتلاتة دول عارفينك من وانت عيل صغير وعارفين امتى جالك الحصبة وامتى كنت رزل وبتغلس على اللي حواليك امتى كنت ضعيف ومش بتقدر تتكلم مع اللي حواليك وامتى كنت مفتري وعامل نفسك ابو العالم كله هم اللي واخدينك شروة واحدة وقابلينك زي ما انت هم اللي فيهم النمام والشكاك بس هم اللي فيهم اللي بيعيط لو حصل لك حاجة وبيجري يديك من دمه لو طلبوا دم الاهل او الرحم علشان احولهم كلهم الى اصدقاء مختارين لازم اكون هذا الشخص اللي يتمنى كل منهم ان يكون اقرب له هم اللي حيدخلوك الجنة علشان بتسأل عليهم بس صلة الرحم هي اللي ربنا اتكلم عليها في القرآن في سورة البقرة اللي قال ان اللي يقطعها ده مش بس فاسد انما مفسد صل من قطعك منهم خليها فرصة انك تكلم البعيد وتتواصل مع اللي مش متواصل معاه ربنا يديم علينا نعمة الاهل

حسب ما يقال ان فيروس آخر ينطلق من يوهان احب اقولكم ان دول يأجوج ومأجوج اتفتحت البوابة من الصين انا كنت فاكره انهم اما بشر او كائنات واعتقد ان الدجال هو الميديا و يأجوج و ومأجوج فيروسات اعوذ بالله من الشيطان الرجيم  بسم الله الرحمن الرحيم  سورة الانبياء  حَتَّى إِذَا فُتِحَتْ يَأْجُوجُ وَمَأْجُوجُ وَهُم مِّن كُلِّ حَدَبٍ يَنسِلُونَ وَاقْتَرَبَ الْوَعْدُ الْحَقُّ فَإِذَا هِيَ شَاخِصَةٌ أَبْصَارُ الَّذِينَ كَفَرُوا يَا وَيْلَنَا قَدْ كُنَّا فِي غَفْلَةٍ مِّنْ هَذَا بَلْ كُنَّا ظَالِمِينَ

ياريت النهاردة نقرأ سورة الانبياء وانا بيني وبين نفسي باعتبرها سورة الازمات لان فيها كل الانبياء تعرضوا للازمات وكلهم دعوا الله مخلصين فربنا استجاب لهم

عمال يزعق في العمال بتوعه عمالة تشتم في اللي مزعلاها شايف نفسه بيفهم والباقي حمير حاسة انها احسن من الكل لابسة كأنها نسيت تلبس راكب أفخم عربية و بيتريق على اللادا بيتكلم من طرطوفة مناخيره فاتحة الدرج علشان السبوبة بيضحك على بنات الناس متجوزة عرفي الرقص مش عيب ما تحبكيهاش الويسكي مش خمرة ناسي زكاته الصلاة لما افتكر واكل ميراث اخواته # ديتك_كورونا_فاتعظ

مع كل الخير اللي حوالي وكل الناس و الشباب اللي بيدور علي علشان يرضي ربنا و كمية السعادة اللي باشوفها في وجوه المتبرع واللي بتبقى ساعات اكبر من سعادة المتلقي تفتكروا ربنا حيكسر قلب المصريين سيبك من الصورة اللي مكونها في خيالك واللي الاعلام موردهالك مصر فيها خير الدنيا كله مع كل الحذر المطلوب لكن ربنا حيعديها ان شاء الله على خير

لما تقول لابنك على حاجة ما يعملهاش علشان حتضره ومايسمعكش وتعلي صوتك لانه ما سمعش وتلاقيه سامع ومش بيرد عليك فتعلي صوتك اكثر وبعدين تقرب منه وتبتدي تزقه وتفهمه وهو مش بيرد وعامل مش سامع وبعدين تلاقيه بيضحك عليك تقوم تبتدي تبقى عنيف وتضربه ويكمل ضحك فتضربه اكثر علشان انت عارف ان اللي بيعمله بيؤذيه اكثر بكتير من الضرب بتاعك ولما يستمر يضحك تعرف ان مفيش فايدة وتسيبه الفيضانات والكوارث والوباء دول كلام من ربنا ولله المثل الاعلى ما تستناش لما يضربك جامد واتعظ كمية الفساد الاخلاقي والديني والعالم اللي اصبح بيعطي الحرية للشاذ جنسيا على حساب النقاب للمرأة ويقولك الشاذ من حقه الشذوذ والمنقبة تقعد في بيتها علشان بتؤذي مشاعر الناس ده عالم لازم يفوق شوية بس نتعظ وناخد الدرس وبلاش نضحك لان العقاب لو اكثر من كدة مش حيعجبهم خاااالص

بافكر ازورني في الصالون وأمسك في اتغذي معايا علشان ما اسيبنيش لوحدي ومش بعيد اخليني ابات عندي لغاية لما فيروس أم الكورونا يتهد # آخرة_قاعدتي_لوحدي # ابعد_ياسونا_عن_الكورونا # تاكل_مكرونا_خالية_من_الكورونا # كورونا_ملعونة_فيروسة_صغنونة # آه_يانا_يامه

نسبة تلوث الارض نقص ١٠ في المائة احنا اللي بنلوث الارض بالانبعاثات بتاعتنا و العربيات بتاعتنا و لما نقعد في بيوتنا الدنيا بتحسن يمكن المفروض علينا بين وقت و التاني نختلي بأنفسنا و نعطي الارض اجازة مننا

لازم مع كل مسجد مدرسة و عيادة لان المرض العضوي بيحتاج طبيب و الطبيب بيحتاج معلم عندنا آلاف المآذن و عشرات المستشفيات

في الامتحان لما بيسألك سؤال بتجاوب اللي بيصحح بيكون عايز حاجة معينة عايز يعرف انك فاهم وده لو كان الغرض من الامتحان فقط العلم او عايز يعرف انك تقدر تعمل تقييم للنتيجة من المسألة يعني لازم تطلع نتيجة المسألة مناسبة للتطبيق يعني لو سألك انت محتاج كام كام عربية تنقل بطاعتك في اليوم والمسألة حليتها طلعت مليون عربية في اليوم يبقى انت مش فاهم ولكن حافظ بس وده لو كان الغرض من الامتحان المعرفة او عايز يعرف انك تقدر تكمل المشوار لآخره وبدقه يعني المسألة كبيرة وانت تحلها بالكامل وتطلع النتائج لأقرب ما يكون من الواقع وده لو الغرض من الامتحان انه يتأكد انك تقدر تدرس الموضوع بدقه او عايز يعرف انك تقدر تتحمل المسئولية اللي باقوله انك جاوب على قدر علمك ومعرفتك وبقدر من الاخلاص في العمل واللي بيقيم الامتحان هو اللي يحدد شخصيتك تنفع تروح فين وتعمل ايه لكن ما تعتبرش انك انت اللي بتصحح وانت اللي تعرف تعمل ايه علشان تاخد احسن نمر انت عليك العمل فقط وبمقدرتك واخلاصك واحسانك وده اسمه التقوى والاحسان وده اللي بيدخل الجنة على فكرة سورة آل عمران - سورة 3 - آية 133 اعوذ بالله من الشيطان الرجيم بسم الله الرحم...

فيه أسر بيعيشوا في بيت مشترك يعني كل اسرة في حجرة و الحمام مشترك أنا رحت بيوت كدة ر اعرف ناس كدة الاسرة دي لو قلتلهم الزم بيتك مش حيلتزم اعتقد اننا لازم نفكر في حلول للوضع ده كان الله يرحمه الاستاذ كامل النجار عامل دراسة لقرية الحرفيين كحل للموضوع ده لأننا مش بنسيب شقتنا وننتقل لشقة تانية بسهولة و الفكرة بتاعته اننا ننقل ثمان عائلات في فدان ارض مع بناءمبنى محيط بالفدان ويكون داخل الفدان مشروع ما بين ماشروم او مزرعة سمكية او اي مشروع معرف جدواه و تسويقه والمبنى الواحد تحته  ورش او محلات تساعد في التحول الى مجتمع سكني أتمنى ان ربنا يعطيني العمر و الصحة لغاية لما نعمل على الأقل واحدة

لما ألمانيا اللي هي ألمانيا اللي زي المكن و ملتزمين التزام ما اقولكش عليه فيها حاليا ٢٠ الف مريض منهم الفين آخر خمس ساعات # ياختاااااي # غطيني_ياصفية_وصوتي # آه_يانا_يامه

إلزم بيتك خليك بالبيت اقعد و اهدأ إهمد بقى # يادي_النيلة

يا رب يا خالق الوجود من العدم ومخرج النور من الظُلَم يا من نحمده على المصائب كما نحمده على النعم أخرجنا من مصيبتنا وهون علينا الاختبار نستجيرك الا تحاسبنا على ما يفعله سفاهئنا يا من بيده الخير وقادر على ان يغير الاقدار فأنت اللطيف الودود ذو العرش المجيد فعال لما تريد اللهم أني أسالك بكل اسماءك ان تشفي مرضانا و تخرجنا منها سالمين

زي النهاردة من قرون فاتت قام سيدنا محمد برحلة روحانية داخل الارض و رحلة أخرى إلى سدرة المنتهى و فيها تلقى أمر أن تكون الصلاة خمسة في اليوم ارتبطت الرحلة بوقت عسير عاصرت النبي من تكذيب و اضطهاد و أصبحت الصلاة هي ما ييسر الحياة لأنها لحظة التواصل بالله و فتح البوابة بين الحالة المادية للإنسان كجسد وبين حالته الروحانية كروح تسيطر على هذا الجسد وهي في تزامن مع الوقت و المكان اصبح تعلق الرسول بالصلاة تصل انه يرتاح بها ويطلب من بلال ان يريحهم بها الصلاة لا تستلزم عبئا جسديا لمن ل ا يستطيع فالله يقبلها منك ما دمت ترغبها كانت آلام المفاصل ترهقني خلال حياتي وكنت اصلي جالسة حتى في شبابي وكنت استعيض عن قلة الحركة بالخشوع الشديد وأصبحت الآن انتظرها لأرتاح بها كل سنة وانتم بخير لليلة الإسراء و لنصلي لله طالبين منه العون بخشوع أذكركم بسورة الإسراء فهي ذات دعم معنوي شديد في الأزمات جربتها ودفعت قبل كدة # لا_تنسوا_الاسراء_والمعراج_اليوم

قعدت افكر مرة ان الاسلام نزل في الصحراء بعيد عن المياه الوفيرة و مع ذلك طلب من الناس تتوضأ خمسة مرات و تستحمى مرة في الاسبوع وكل ما ينقض الطهارة يستدعي حمام يغسل نفسه من ساسه لرأسه و اذا انعدمت المياه اصبح التيمم كنوع من الطهارة الرمزية و الروحية الطهارة بالوضوء بيصاحبها غسيل ذنوب وطهارة نفس المفروض # خمس_مرات_في_اليوم

كمية الناس اللي بتشتري خزين بالهبل محسساني ان الكورونا حتاكل معاهم # بالرااااحة # هم_اسبوعين_ارحمونا

انا قعدت مجبرة في حرب أكتوبر اتعلمت الون بالزيت و كملت تمرين البيانو وبقيت اعزف سوناتات البيانو لبيتهوفن و عزفت مونلايت للآخر استفيدوا من الاجازة

مع كل الخير اللي حوالي وكل الناس و الشباب اللي بيدور علي علشان يرضي ربنا و كمية السعادة اللي باشوفها في وجوه المتبرع واللي بتبقى ساعات اكبر من سعادة المتلقي تفتكروا ربنا حيكسر قلب المصريين سيبك من الصورة اللي مكونها في خيالك واللي الاعلام موردهالك مصر فيها خير الدنيا كله مع كل الحذر المطلوب لكن ربنا حيعديها ان شاء الله على خير

لما تقول لابنك على حاجة ما يعملهاش علشان حتضره ومايسمعكش وتعلي صوتك لانه ما سمعش وتلاقيه سامع ومش بيرد عليك فتعلي صوتك اكثر وبعدين تقرب منه وتبتدي تزقه وتفهمه وهو مش بيرد وعامل مش سامع وبعدين تلاقيه بيضحك عليك تقوم تبتدي تبقى عنيف وتضربه ويكمل ضحك فتضربه اكثر علشان انت عارف ان اللي بيعمله بيؤذيه اكثر بكتير من الضرب بتاعك ولما يستمر يضحك تعرف ان مفيش فايدة وتسيبه الفيضانات والكوارث والوباء دول كلام من ربنا ولله المثل الاعلى ما تستناش لما يضربك جامد واتعظ كمية الفساد الاخلاقي والديني والعالم اللي اصبح بيعطي الحرية للشاذ جنسيا على حساب النقاب للمرأة ويقولك الشاذ من حقه الشذوذ والمنقبة تقعد في بيتها علشان بتؤذي مشاعر الناس ده عالم لازم يفوق شوية بس نتعظ وناخد الدرس وبلاش نضحك لان العقاب لو اكثر من كدة مش حيعجبهم خاااالص

المشوار لغاية البلكونة متعب قوي العضلات أخذت على السبعة متر

بافكر ازورني في الصالون وأمسك في اتغذي معايا علشان ما اسيبنيش لوحدي ومش بعيد اخليني ابات عندي لغاية لما فيروس أم الكورونا يتهد # آخرة_قاعدتي_لوحدي # ابعد_ياسونا_عن_الكورونا # تاكل_مكرونا_خالية_من_الكورونا # كورونا_ملعونة_فيروسة_صغنونة # آه_يانا_يامه

لما اكون مريضة ذئبة حمراء بقالي اكثر من اربعين سنة وباخد دواء كل يوم ويقولوا ان الدواء ده بيعالج الكورونا قوم انا الاقي نفسي مش قادرة الاقيه علشان اتسحب لان الناس جريت تأمن نفسها من الغامض ايه الاخلاق دي عموما اخلاقك بتحفظك من غضب الله وغضب الله مش حيجيبلك المرض لكن حيخليك قاعد بتبص حوالين نفسك وبتنط من الخوف والاطمئنان بيروح من قلبك لن تنال الاطمئنان الكافي الا بوجود الله في معادلة حياتك

المنافق هو انسان له رأيين رأي منهم زي الفل وكانه محلل سياسي محنك ورأي تاني لما الموضوع يمسه هو يتحول بقدرة قادر الى مدافع مستميت عن ما يؤمن به ويتمسك به هذا الشخص ذو الرأيين عادة بيبرر لنفسه التغير على اعتبار انه بيحمي نفسه وانه معرض للخطر وان عليه ان يكذب ويخدع لانه يشعر انه في حالة حرب مستمر وان الحرب خدعة وانه من حقه الكذب عند التعرض للهجوم هذا الشخص ربنا يعافيه يوم القيامة يجد نفسه امام اختبار عجيب يرى اناس يخرج منهم نور وهو يعيش في ظلام ولكنه يرى النور ويطلب من الناس ان تعطيه من هذا النور وينغلق عليه باب له وجهان وجه رحمة ووجه عذاب كما عاش له وجهان يعاقب بباب له وجهان يراه الناس في رحمة وهو يعيش العذاب اعوذ بالله من الشيطان الرجيم بسم الله الرحمن الرحيم سورة الحديد - آية 13 يوم يقول المنافقون والمنافقات للذين امنوا انظرونا نقتبس من نوركم قيل ارجعوا وراءكم فالتمسوا نورا فضرب بينهم بسور له باب باطنه فيه الرحمة وظاهره من قبله العذاب

تعالى احسب معايا كام شجرة اتحرقت في غابات الامازون طيب كام حيوان مات في حرائق استراليا طيب كام شجرة لسة فاضلة وكام ورقة في كل غصن من اغصان الشجر (1) سورة الأنعام - سورة 6 - آية 59 اعوذ بالله من الشيطان الرجيم بسم الله الرحمن الرحيم وعنده مفاتح الغيب لا يعلمها الا هو ويعلم ما في البر والبحر وما تسقط من ورقة الا يعلمها ولا حبة في ظلمات الارض ولا رطب ولا يابس الا في كتاب مبين صدق الله العظيم ربنا بيقولك مفيش ورقة بتقع من شجرة الا في كتاب مبين يعني كتاب مبين كل حاجة يعني انت قاعد حيران علشان الفيروس هنا والفيضان هنا والكارثة هنا وكل ده عند الحسيب كل اسماء الله لها ثقلها ولها حكمتها لكن عقلك يقف تماما ويجيلك تجمد لما تفكر في الحسيب ربنا حاسب كل حاجة وعارف كل حاجة ومفيش حاجة بتفلت من هنا ولا من هنا وكل حاجة لها حكمة لكن احنا نحب نشغل مخنا في اللي مالناش فيه طيب ربنا طالب مننا ايه سورة طه - سورة 20 - آية 15 ان الساعة اتية اكاد اخفيها لتجزى كل نفس بما تسعى سورة النجم - سورة 53 - آية 39 وان ل...