ثقافة ابو رجل مسلوخة

-
ثقافة ابو رجل مسلوخة 
زمان كان فيه نظام متبع لما الطفل ما يرضاش ينام فوالدته تخوفه وتقول له نام لحسن اجيبلك ابو رجل مسلوخة 
او نام لحسن امنا الغولة تاكلك 
او لو ما سمعتش الكلام حاحطك في اوضة الفيران 
اي ان الطفل يتربي بالترهيب 
الحمد لله اخترع العالم الغربي حقوق الانسان على الرغم من انها موجودة من الايام الاولى للاسلام وعلى الرغم من حبنا العظيم لسيدنا محمد والتغني به وبحياته الا ان الام المصرية قاهرة الصعاب في اوائل القرن الماضي كانت تستخدم هذه الوسائل لمن يعارضها القول ولذلك كان الطفل المصري لو ما لاقاش كبير يشتريله كبير والا عايزين نحطكم مع الفيران
بعد الجيل الاول المتعلم من السيدات المصريات وبعد الثورة اصبح تعليم المرأة اساسي وبدأ جيل الاطفال التليفزيوني والذي اضحى يناقش الامهات في كل المسائل المتعلقة بامنا الغولة وابو رجل مسلوخة ومع الطب الحديث يسأل الطفل المصري
هو ابو رجل مسلوخة اتسلخت ليه
وهو ما عالجهاش ليه
وعاصرت انا في احدى المرات التي كنت اقص فيها اولى قصصي الطويلة للاطفال على اولادي وكان البطل عفريت اسمه فيفي وهو شكلة فظيع وحين اخبرت حماتي بالقصة انبني كثيرا وطلبت مني حذف كلمةالعفريت واستبدالها بشيء غير مخيف
وانا كان من عادتي ان ابدأ بالفصل مع اولادي واحكيه للآخر ثم اكتبه اليوم التالي
ولذلك استبدلت العفريت بكلمة القزم
وقال القزم وعاد القزم ونظرت لعيون اولادي التي كانت الهامي يأتي منها ووجدت الحماس معدوم وقلت لهم فيه ايه
قالولي بطريقة اجنبية استهزائية
BORING
يعني زهقتينا
رحت قالبة على العفريت وناموا الاتنين في حضني بس مبسوطين ان العفريت قلب البنت حمار وقعدت تنهق بدل ما تتكلم
ده الجيل اللي عايزينه يخاف من السيسي والا الداخلية
ده الجيل اللي فاكرين ان لما تقول له خاين او عميل يكش ملك
الثورة لو مكانش فيها شهداء كانت حتبقى
BORING
الجيل ده بيقزقز عربيات الاسعاف في الالعاب بتاعتهم ويضربها بالصواريخ
ما عادش بيخاف خلاص ابو رجل مسلوخة اتعالج
انا بس مستنية لما يبقى اصغر واحد في الحكومة من مواليد هذا الجيل حتشوفوا ازاي انه جيل يطلع من level للتاني عن طريق ان يموت الوحش الكبير ويدوس على ستميت عائق في السكة عشان يوصل
سلمولي بقى على الكفتة اللي مش عايزنا نتكلم عنها واننا لازم نمشي جنب الحيط
انتم
BORING

تعليقات

إرسال تعليق

المشاركات الشائعة من هذه المدونة

علامة الاذن التيسير

-
  انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب
قراءة المزيد

الانسان تاريخ

-
  الانسان تاريخ طول حياتي باتعامل مع الناس وانا مخي دفتر كل ما اشوف حد بيقول لي على حاجة او بيعمل حاجة بتكون علامة في حياتي اتعلمت كتير من دروس كتير ومن ناس كتير حاشارك معاكم اللي اتعلمته تعلمت من ابي ألا أكذب لانه لم يكذب امامي تعلمت من امي ان اعطي مما احب لانها كانت تعطي امامي تعلمت من اخي الوقوف مع الضعيف لانه كان يساند اصدقاءه امامي تعلمت من اختي ان الموضوعية وألا احقد على احد وكنت اشعر بها امامي تعلمت من زوجي ألا أعطي إلا إذا اردت لانه كان يعطي عندما يريد تعلمت من ابني الا اتعجل ادواري التي اقوم بها لانه لم كان لا يستحث الوقت على المرور تعلمت من ابنتي ان احب الجميع ولكن في العمل الحرفية هي الاساس تعلمت من البواب ان اسامح من عاصر يوما عصيبا ومن منا لم يمر به تعلمت من جارتي ان الحب لا ان تري حبيبك ولكن ان تشعري به تعلمت من استاذي ان العلم لا ينتهي تعلمت من البقال ان الحرص يغني وان الغفلة تطمع الاخرين تعلمت من النشال ان ما يضيع منك لا يغيظك ثمنه ولكن يغيظك استغفال الحرامي لك تعلمت من الشباب ان الرعونة لها ثمن ولكن درسها اكثر من اي ثمن تعلمت من الرض
قراءة المزيد