طفلة للابد

  فيه ناس بتتعامل مع الصدقات زي ما بتتعامل مع الصيدلية داووا مرضاكم بالصدقات يقوم يطلع صدقة و يعتبر ان المريض لازم يخف التعامل مع الله و رسوله لازم بأدب و لازم يبعد عن الندية فسبحان الله عما يصفون الصدقة دي مش دواء بياخدها العيان يخف العيان حيخف لما يخف انما الصدقات ده ادب مع الله و حب في الله و اللي بيعمل صدقة مش المفروض يستنى الرد و كمان في الوقت بتاعه ما ينفعش ( ولله المثل الاعلى ) تجيب هدية لحد و تقول له مستنيك بكرة تردي الهدية دي لو سمحت حاقول لكم عن قصة قرأتها و أثرت في جدا مرة كان فيه واحد قاعد في جنينة و كان جنبه فراشة بتطلع من الشرنقة بتاعتها شايفها بتحاول تطلع و تيجي يمين و شمال و حاسس انها بتتعذب قرر يساعدها فاخذها و جاب مقص و قص الشرنقة علشان تطلع بسهولة اكتشف ان جسم الفراشة اللي داخل الشرنقة ضخم لسة و ان الفراشة مش حتقدر لا تطير و لا تمشي و ان خروجها من خرم الشرنقة بيعصر السائل اللي فاضل في جسمها علشان لما تطلع تطير فضلت الفراشة كسيحة لا تستطيع ان تطير و لا تسير و عرف ان فيه قدر ربنا مقدره لكل مخلوق و ساعة لكل حدث و ان مساعدته للاسراع بالحدث تسبب في ان تتعذب الفراشة و ...

  س؟ متى تكون دعواتك مستجابة جـ . حين تستحي أن تطلب لنفسك و غيرك ينقصه ما لديك فتدعوا له و تجد الملائكة تقول ولك مثلها خلي الملائكة هي اللي تدعيلك

  فيه قصة تفهمنا كتير في الحياة مرة واحد كان شاب و ضعيف و اصحابه بيتريقوا عليه وكان في رحلة معاهم و في يوم من ايام الرحلة تاه في منطقة جبلية و نزلت صخرة حبسته في منطقة و ما بقاش عارف يطلع منها الشاب ده قعد يدعي لربنا يساعده في انه يزيح الصخرة علشان يطلع من الحتة دي المكان فيه مياه و فيه زرع و لكن هو لوحده جاء له ملاك و قال له لو عايز تطلع ربنا بيقول لك زق الشجرة الراجل فرح و قال ربنا استجاب لدعاؤه و بدأ يزق الشجرة ويزق ويزق و كل يوم يزق بعد كذا شهر يأس و قال اكيد الصخرة دي مش حتتحرك و قعد تحت شجرة و بطل يدعي ربنا و يأس لقى الملاك قدامه بيقول له بطلت تزق ليه قال للملاك لان الصخرة مش حتتحرك وانا تعبت الملاك قال له مين قال انك بتزق علشان الصخرة تتحرك الراجل استغرب امال هو بيزق ليه الملاك كمل و قال له ان لو ربنا عايز يحرك الصخرة كان حركها من اول دقيقة و لكن ربنا امره يزق الشجرة علشان حاجة تانية الملاك قال له بص لنفسك شوف عضلاتك عاملة ازاي من الزق شوف جلدك نشف ازاي من الشمس ربنا عايزك تستفيد من الوقت انك تجمد وتسعى و ساعتها الصخرة اتحركت و الشاب لقى نفسه حر رجع لاصحابه اقوى و فهم ان ال...

  اجد اختلافا كبيرا في ردود افعال الناس على المواقف المتشابهة ووجدت ان رد الفعل ما هو الا ما اراه انا وليس ما يعنيه الموقف مثلا لو انا كنت استخدم نظارة مقعره فكل ما اراه كبيرا ولو كان صغيرا ولو كنت استخدم نظارة محدبة فكل ما اراه صغيرا ولو كان كبيرا و ايضا لو نظرت الى مرآة مقعرة ستجد انك صغير طويلا رفيعا ولو نظرت الى مرآة محدبة ستجد انك سمينا قصيرا رد الفعل يختلف حسب النظارة التي ترتديها و المرآة التي تنظر اليها ستجد انك يوما ما تحدثت مع انسان تراه صغيرا و ترى نفسك كبيرا امامه و تندهش لانك تجده يتحدث معك وكأنك صغيرا وهو كبيرا و الحقيقة ان كل منكم له نظارته و له مرآته الحكيم هو الذي لا يقوم برد الفعل الا بعد ان يدرس مرآة و عدسة الاخرين و تقارنهم بمرآتك و عدستك انا عارفة العملية صعبة بس ما تفتكرش ان هجوم حد عليك بيبقى لانه شايفك صغير ممكن يكون لانه شايفك كبير قوي وهو خايف منك فبيدافع عن نفسه

  قبل ما تعاتب حد عاتب نفسك

  اوعى المظاهر تخدعك .. ولا كلمة حلوة توقعك .. ولا صاحب ندل يضيعك .. ولاعيشة مرة تغيرك .. ولا قلب عشقته يحيرك .. ولا ناس حبيتها تدمرك .. ولا غربة صعبة تكسرك ..ولا حبيب مخلص يخسرك .. ولا دمعة حزن تسهرك .. ولا كلمة تقولها تصغرك .. دى الدنيا لحظات .. و الناس مقامات .. و الزمن مسافات

  أسبح في بحر من نعم ما بين حاسب و قلم ومعي فولورز اسقيهم ما بين نكت و حكم

  تصبح الايام ثقيلة و الوقت يزحف ببطء لو لم يكن لديك هدف و طموح عليك أن تحققه الحياة تظل حياة متحركة لو كان هناك سعيا على الأرض فالمحفز هو الشيء الذي يجعلك تنهض من مكانك و تحمل عبء هذا الجسد لتصل به إلى الهدف اللهم لا تحرمنا من حياة هادفة مليئة بالحركة و العمل و اجعل لنا في كل يوم ما نعمله ليقربنا من رضاك

  اعامل الناس زي ما بيعاملوني ازاي إذا كنت مش باعرف اكذب و لا اغش و لا اهين و لا اتعالى ولا...ولا.. ؟

  نفسي في مكان فيه ورد ما يدبلش و حبيب ما يتقلش و زميل ما يغيرش و أبناء ما تبعدش ودماغ ما تفصلش و تليفون ما بيتشحنش واكل ما يطخنش

  أسس ومبادئ المعاملات في الاسلام 1. ﺇﻋﺪﻟﻮﺍ 2 . ﻭﻻ ﺗﻌﺘﺪﻭﺍ 3 . ﻭﻻ ﺗﻌﺜﻮﺍ ﻓﻲ ﺍﻷﺭﺽ ﻣﻔﺴﺪﻳﻦ 4 . ﻭﻻ ﺗﻠﺒﺴﻮﺍ ﺍﻟﺤﻖ ﺑﺎﻟﺒﺎﻃﻞ 5 . ﻭﻻ ﺗﻘﻒ ﻣﺎ ﻟﻴﺲ ﻟﻚ ﺑﻪ ﻋﻠﻢ 6 . ﻭﻻ ﺗﻤﺸﻲ ﻓﻲ ﺍﻷﺭﺽ ﻣﺮﺣﺎ 7 . ﻭﻻ ﺗﺼﻐﺮ ﺧﺪﻙ ﻟﻠﻨﺎﺱ 8 . ﻭﺍﺧﻔﺾ ﺟﻨﺎﺣﻚ ﻟﻠﻤﺆﻣﻨﻴﻦ 9 . ﻭﺍﻏﻀﺾ ﻣﻦ ﺻﻮﺗﻚ . 10 ﻭﺃﻗﺼﺪ ﻓﻲ ﻣﺸﻴﻚ . 11 ﻭﺃﻋﺮﺽ ﻋﻦ ﺍﻟﺠﺎﻫﻠﻴﻦ . 12 ﺧﺬ ﺍﻟﻌﻔﻮ ﻭﺃﻣﺮ ﺑﺎﻟﻤﻌﺮﻭﻑ . 13 ﺇﺩﻓﻊ ﺑﺎﻟﺘﻲ ﻫﻲ ﺃﺣﺴﻦ . 14 ﺃﺩﻋﻮ ﺇﻟﻰ ﺳﺒﻴﻞ ﺭﺑﻚ ﺑﺎﻟﺤﻜﻤﺔ . 15 ﻻ ﺗﺒﻄﻠﻮﺍ ﺻﺪﻗﺎﺗﻜﻢ ﺑﺎﻟﻤﻦ ﻭﺍﻷﺫﻯ . 16 ﻭﻻ ﺗﺄﻛﻠﻮﺍ ﺃﻣﻮﺍﻟﻜﻢ ﺑﻴﻨﻜﻢ ﺑﺎﻟﺒﺎﻃﻞ . 17 ﻭﻻ ﺗﻨﺎﺑﺰﻭﺍ ﺑﺎﻻﻟﻘﺎﺏ . 18 ﻻ ﻳﺴﺨﺮ ﻗﻮﻡ ﻣﻦ ﻗﻮﻡ . 19 ﻭﻻ ﻳﻐﺘﺐ ﺑﻌﻀﻜﻢ ﺑﻌﻀﺎ . 20 ﻭﻻ ﺗﺠﺴﺴﻮﺍ . 21 ﺍﺟﺘﻨﺒﻮﺍ ﻛﺜﻴﺮﺍ ﻣﻦ ﺍﻟﻈﻦ . 22 ﺍﺩﺧﻠﻮﺍ ﻓﻲ ﺍﻟﺴﻠﻢ ﻛﺎﻓﺔ . 23 ﻭﺍﺫﺍ ﺣﻴﻴﺘﻢ ﺑﺘﺤﻴﺔ ﻓﺤﻴﻮﺍ ﺑﺄﺣﺴﻦ ﻣﻨﻬﺎ . 24 ﻭﺑﺎﻟﻮﺍﻟﺪﻳﻦ ﺃﺣﺴﺎﻧﺎ . 25 ﻭﺫﻱ ﺍﻟﻘﺮﺑﻲ ﻭﺍﻟﻴﺘﺎﻣﻰ . 26 ﻭﺍﻃﻌﻤﻮﺍ ﺍﻟﺒﺎﺋﺲ ﺍﻟﻔﻘﻴﺮ . 27 ﻭﻻ ﺗﺘﺒﺪﻟﻮﺍ ﺍﻟﺨﺒﻴﺚ ﺑﺎﻟﻄﻴﺐ . 28 ﻭﺁﺗﻮﺍ ﺍﻟﻴﺘﺎﻣﻰ ﺃﻣﻮﺍﻟﻬﻢ . 29 ﺃﻧﻔﻘﻮﺍ ﻣﻤﺎ ﺭﺯﻗﻨﺎﻛﻢ . 30 ﻭﻗﻮﻟﻮﺍ ﻗﻮﻻ ﺳﺪﻳﺪﺍ . 31 ﻭﻗﻮﻟﻮﺍ ﻟﻠﻨﺎﺱ ﺣﺴﻨﺎ . 32 ﻭﺗﻌﺎﻭﻧﻮﺍ ﻋﻠﻰ ﺍﻟﺒﺮ ﻭﺍﻟﺘﻘﻮﻯ . 33 ﻭﻻ ﺗﻌﺎﻭﻧﻮﺍ ﻋﻠﻰ ﺍﻹﺛﻢ ﻭﺍﻟﻌﺪﻭﺍﻥ . 34 ﺍﺣﻔﻈﻮﺍ ﺃﻳﻤﺎﻧﻜﻢ . 35 ﻭﺃﻭﻓﻮﺍ ﺑﻌﻬﺪ ﺍﻟﻠﻪ ﺍﺫﺍ ﻋﺎﻫﺪﺗﻢ . 36 ﻭﺃﻭﻓﻮﺍ ﺍﻟﻜﻴﻞ ﺍﺫﺍ ﻛﻠﺘﻢ . 37 ﻭﺯﻧﻮﺍ ﺑﺎﻟﻘﺴﻄﺎﺱ ﺍﻟﻤﺴﺘﻘﻴﻢ . 38 ﻛﻮﻧﻮﺍ ﻣﻊ ﺍ...

  الاستعانة الحقيقية بالله صعبة و مش اي حد يقدر عليها انك ترمي حملك دي مش سهلة و عايزة ايمان كبير مش كلمة بتقولها

  مفيش لحظة تقول انا نمت اللحظة دي لان النوم بياخدك و تنتهي بانك نمت انت لو راقبت النوم بيروح احيانا الزلة في الحرام الناس مش بتحس بيها و بتلاقي نفسها انغمست لأن المخ ساعتها مش بيراقب هو لو بيراقب مش حيغلط ما تحطش نفسك في حالة مرتاحة مع الأجواء الداعمة للخطأ تيقظ لأن الدخول في الغلط زي الحلم انت مش بيبقى في ايدك تقول حاصحى امتى يا اما حد يفوقك يا اما ربنا يخرجك

  مفيش كتيب تشغيل للحياة مفيش كتالوج لو مشيت عليه تنفع كتير من الاوائل ما لقوش شغل وكتير اتفتح لهم ابواب لا يظنون أنها ستفتح انت عليك الأخذ بالاسباب و العمل بنية سليمة و تمشي في سبيل الله و عينك على الآخرة و بس وبس وبس

  الرحمة و التعاطف تزيدك جمالا و الرأفة و الود يزيدانك وسامة والمغفرة و العفو يزيدكم قوة

  قيمتك مش في لبس غالي و مطعم فاخر و هوتيل عظيم قيمتك في حفظ كرامة الغلبان و جبر خاطر التعبان و احترامك للجميع واولهم نفسك

  واحد مصري مرتد حب يهيص في الهيصة وهو في روسيا دلق خمرة على المصحف و داس عليه و قعد يمجد في الشاب العراقي اللي عمل كدة في السويد بات امبارح في السجن واحتمال يتهموه بالخيانة العظمى لانه اختار وقت شائك يقلب فيه موازين التصالح في روسيا مع المسلمين

  عايزة اكلمكم على الهوميوباثي النهاردة هانمان العبقري دخل العلاج في اتجاه مختلف عن الطب المعترف و المتعارف عليه و هو انا اسميه الطب الكيميائي او الذي يعتمد على كيمياء الجسد و استطاع هانمام ان يكتشف تأثير اخر للمواد على الجسد دون اي تدخل كيميائي بالمرة فالادوية الهوميوباثية تعتمد على التخفيف الشديد الذي يصل الى ان ينتهي وجود المادة الكيميائية و يظل تأثيرها الفيزيائي على الجسد بطريقة لا يفهمها العامة فكيف يمكن ان يصلح ماء خال من المواد الكيميائية اعراضا ظاهرة اكتشف هانمان عدة اشياء اولا : طاقة المواد ان المواد التي تسبب اعراض معينة حين تستخدمها او تتعرض لها هي نفس المواد التي يمكن ان تعالج تلك الاعراض ( likes cures like ) ثانيا : طاقة المواد او الدواء الفيزيائي المواد يتم تحضيرها للاستخدام عن طريق اضافة طاقة حركية مع التخفيف المستمر للحصول على اكبر قدر من الطاقة مع اقل قدر من المادة الكيميائية (dynamization ) ثالثا : الطاقة الحيوية التعرف على الطاقة الحيوية للاجسام (حاليا وضعها الطب في خانة جهاز المناعة )و التي تقوم بالتفاعل و الانفعال مع الحياة و التي تمرض هي فتمرض الجسد معها و ...

  تعالوا اقولكم على التنمية المستدامة احنا في مجتمع مقفول ليعيش على الصيد يبقى لازم مصدر رزقهم ينمو علشان الإنسان اللي بيشتغل ما يبطلش شغل الصياد عايز يلاقي سمك نرميله زريعة يكثر السمك يلاقي ياكل طيب و المركب لو فيه سمك في البحيرة يبقى اللي بيعمل مراكب عارف أنه حيقدر يدفع يقوم يعمل مراكب نجيب لهم شبك يقوم يصطادوا السمك بالشبك ويدفعوا القسط بتاع القارب حاليا في قرية الحارس صانع المراكب جاب خشب لانه عارف ان فيه ناس حتشتري بالقسط علشان السمك موجود بعد ما شاف الزريعة نازلة في البحيرة و بكدة كلها كام شهر و بمشيئة الله حنلاقي مراكب و صيادين و البلطي حيبقى جميل و تتقفل دائرة انتاج الصيد و تنتعش قرية الحارس #التنمية_المستدامة #قرية_الحارس

  الحمد لله ان رمضان جاء زائرا محبا و عطوفا علمنا الجلد و العطاء و القرب من الله خالق المتع كلها و اعطانا الشعور اننا اقوى من رغباتنا و انه بامكاننا ان نمتنع عنها كلها و نجاهد ضعفنا و نثبت قوتنا الحمد لله ان رمضان جاء ليعطي لكل من اراد الخير فرصة للدخول بقوة لاسعاد الاخرين و اطعامهم و جمعهم على حب الخير الحمد لله ان رمضان جاء ليسد عن المديون ديونه و يوصل للدائن ما كان ينتظره بعد صبره على المدين و خفف عن الكثير ذل الدين وهمه الحمد لله ان رمضان جاء ليملأ الدنيا بالاشجار المثمرة و الصدقات الجارية ويملأ البحيرات بالسمك و الخير الحمد لله على وجودي في مصر بين عائلتي حبايبي و اصحابي و جيراني و زملائي و معارفي و كل من احبني و احببته كل سنة و العيد سعيد و العمر مديد و الصحة حديد