طفلة للابد

في بعض الأحيان يهمل الآباء أطفالهم بطريقة غير مقصودة و لا مخططة ( سفر ، موت ، مرض عضوي ،   نفسي ) و أحيانا يتواجد الأهل و لكن لا يعطون أطفالهم ما يحتاجونه من الحب والرعاية و الاهتمام ( كثرة الأطفال ، كثرة الانشغال ، عمل لمدة طويلة ، جحود مشاعر الأهل ) و بذلك يهمل الطفل عاطفيا ، و يستبدل اهتمام الأهل بالطفل باللعب ، أو التليفزيون ، أو الهدايا ، أو الحلويات ، أو أي من يجالسه من الأهل مثل الجدة أو الجيران. يعلم الأطفال جيدا أن تلك الأشياء تعطى له بدلا من العاطفة المفروض الحصول عليها و لذلك يكبر و هو يعلم أن المشاعر بين الناس غير موجودة و أن المهم هو الماديات ، و بذلك لكي يحصل على حب الناس فيجب أن يحتفظ بأكبر كمية من الماديات و ذلك لأنه لم يجد الشخص الذي يحبه و الذي يرعاه فيستعيض عنه بكل تلك الأشياء ، و نتيجة حرمانهم من الحنان و الرعاية فهم لا يعرفون الرعاية و الحنان الأصلي و لا يعلمون ما هي المشاعر الحقيقية . الجشع ينحصر في : النقود ، الطعام ، الاحتياجات ، القوة ، إلخ ذئب الجشع له صفة الأخذ و الرفض ، فهو يجعل الشخص يطلب الأشياء بشدة ، ثم يرفضها بمجرد الحصول عليها ، على سبيل...

شعور جميل انك تطلع نفس صغير يطلع فقاقيع صابون كثيرة قوي وملونة وبتلمع ولما تفرقع ما تعملش صوت وتجري وراها علشان لازم تفرقعها كلها قبل ما تنزل على الارض والاجمل انك تلقط واحدة وترجع تنفخ منها كتير عارفين ليه لانك ربطت نفسك بكمية الفقاقيع اللي طالعة وحسيت انك عملت حاجة كبيرة قوي بمجهود صغير وانك كمان تقدر تنهيها زي ما بدأتها الانسان اوقات كتيرة بيحب يشعر بوجوده وانجازاته خلي انجازاتك بعدد الناس اللي أثرت فيها في حياتها وخليتها تشعر باهميتها مش بعدد الفقاقيع اللي طلعتها علشان نفخت

وقفت تنظر اليها وهي محاطة بالعديد من الاشخاص ما بين بسيط ومتعال وهي صاحبة صفحة مشهورة على الانترنت امسكت بالهاتف وطلبت شركة مشهورة لكي تصمم لها صفحة افضل منها امسكت بالهاتف وطلبت مصور مشهور يكل يقوم بتصوير المنتجات التي تسوق لها وتصنعها مر العام ووقفت في نفس المعرض على نفس الطاولة تنظر الى غريمتها لتجدها محاطة بالعديد من الاشخاص ما بين البسيط والمتعال ماذا تفعل تلك المرأة لكي تحظى بكل هؤلاء المهتمين بصفحتها وهي لا تعلم ان من يحيط بها ما بين اسرة تساعدها واهل لا تتركهم في مأزق واصدقاء تحبهم ولا يوجد ممن حولها من يهتم بمنتجها ولكن الجميع يحادث قلبها

السن يختلف عن العمر  السن هو ما تحدده شهادة الميلاد  العمر انت تحدده بنفسك  السن ارقام تزيد كل سنة  العمر يتغير بكل تجربة تمر بها وبكل صديق وفي تحظى به وبكل سجدة قرب من الله  الاحصائيات تتحدث عن السن وتعطي متوسط ما يعيشه الفرد العمر قد يصل الى مئات السنوات وقد تعود طفلا فهو قرارك اليومي احيانا تلهو كطفل فيكون عمرك حينها لا يتعدى العشر واحيانا تجلس لا تحرك ساكنا وتنغمس في احزانك وهمومك فيقفز عمرك الى المائة # انا_ريس_نفسي # انا_اللي_احدد_عمري

كان فيه مسلسل على العبيد في امريكا وكان الولد اسمه كونتا كينتي وهو كان من السادة في بلده قبل ما يأسروه وياخدوه وكان معتز جدا باسمه لدرجة انهم عذبوه علشان يقول اسم تاني من الاسماء اللي اطلقوها عليه  مشجع الزمالك هو كونتا كينتي  مش حنشجع نادي تاني  كونتا كينتي  زمااااالك

رسم امجد احمد عثمان 2019 بالقلم الرصاص

عيب الجبس انك شاعر ان فيه طوبة مزاحماك في النوم وما تقدرش ترميها لأنها ماسكاك من رجلك اللي بتوجعك  # فات_يوم_من٢١_يوم # ابعدي_من_رجلي_يا_بت_لأكسرك # لازقة

لما يعطينا على الحسنة عشرة وتعد من ساعة ما تفكر فيها وعلى السيئة واحدة وكمان لازم تتنفذ يبقى بيحبنا والا لا اكتر من اهالينا والا لأ # يارب_ياكريم

 دي منطقة في سيناء اسمها عيون موسى حين ضرب موسى الارض بعصاه ليسقى القبائل المختلفة لبني اسرائيل لكي تشرب كل قبيلة من عين من العيون

الاسم بتنادي بيه  اسماء الله بناديه بيهم  لما تبقى عايز الكريم بتناديه بيه  ولما تبقى عايز الرحيم بتناديه بيه  لكن لما تبقى عايز رب العالمين بتطلب الله جل جلاله  اسم الله فيها كل اللي بتطلبه وفاتحة الكتاب هي بسم الله # اللهم_اني_اسألك_بكل_اسم_هو_لك_ان_تجعل_القرآن_نور_قلبي_وزوال_همي_وغمي

قريت النهاردة الجملة دي  “The air inside the average home is up to five times more polluted than the air outside” في مقالة في الانترنت  بتقول ان الهواء داخل منازلنا بيكون ملوث اكتر من الهواء خارج المنزل  احنا محتاجين دايما يكون في نباتات في المنزل  بالاخص فيه نبات اسمه لسان حماتي النبات ده بينتج اكسجين على مدار اليوم حتى بالليل والدنيا ظلمة لازم نجيبه في بيوتنا ونحطه في حجرات النوم والصورة بتوري اربعة زرعات بينقوا الجو داخل المنزل  يعني لازم يكونوا موجودين في اي بيت ولكن اللي على الشمال دي في حجرات النوم 

جلست امام نافذتها فرأت ريشة تطير من عصفورة مرت امامها ظلت الريشة تهتز وتتمايل فسرحت وجلست تتحدث مع الله الم اكن افضل لو كان دوري في الحياة ريشة في عصفورة فوجدت نفسها فجأة تهتز بشدة ونظرت حولها لتجد ان الله استجاب لها في التو واللحظة وظلت تتمايل خافت في البداية ولكنها اعتادت على هذا الكم من الحركة الحرة وزادت سعادتها الى ان وصلت الى درجة بدأت بعدها لحظات القلق تظهر لانها اقتربت من الارض واصبحت حركتها اكثر عنفا مع كل هواء يمر بجوارها سواءا كان بشرا يسير او يجري او عجلة يجري بها طفل او سيارة يقودها رجل ارادت ان تصرخ فاكتشفت انها بلا لسان ولا تستطيع التعبير عن قلقها او خوفها تطير يمينا ويسارا وظلت هكذا الى ان تماسكت وطلبت من الله ان يعيدها سيرتها الاولى ما ان رات اصابع يديها حتى بكت بشدة دخلت ابنتها عليها الحجرة تسألها " ما بك يا امي " احتضنت ابنتها وقالت لها تمسكي بالارض يا ابنتي تمسكي بالارض ضحكت الابنة وقالت لها لا تقلقي فانا ثابتة بثباتك

باعرف الانسان بتاع مصلحته قوي ساعة ما يكون عنده عقيدة معينة في حاجة ويقعد يكلمني عنها ويقنعني بيها  وساعة ما تتعارض مع مصلحته ويبتدي يعمل نفسه انه مقتنع بعكسها بيبقى منظره زي الكارتون و الله باحس شكله اتغير قدامي مش نفس الشخصية ولا الملامح  كانه تحول الى كائن فضائي لزج باحس اني باتفرج على شخصية كارتونية وبيتشال من ملف الاصدقاء  انا طول عمري باحاول اكون مثالية قدر امكاني  وبيعيب علي البعض اني بانظر للحياة بنفس النظرة المثالية وان كل اصحابي لازم يكونوا مثاليين وبالعكس انا مش باطلب من اي حد يكون مثالي بس ما يكونش كذاب ما يكونش منافق ما يكونش مصلحجي ما يكونش متسلق ما يكونش حرامي ويكون بيحب و مخلص لبلده شروط مش صعبة والله # لا_تكن_في_عالم_كارتوني # عش_انسان # خليك_زي_ما_ربنا_عايزك

قريت كتاب عن الانجاز وكان بيتكلم ان كل بيت لازم يكون فيه ثلاث ملفات مفتوحة  ملف للمخطط اليومي  ملف للمخطط الشهري  ملف لخطط الحياة  ولازم يكون فيه قائمة بكل الحاجات اللي عايز تنجهزها في حياتك كلها كلها كلها  وكل واحدة تبقى عارف هل هي روتينية والا مهمة والا لازم تنجزها بسرعة اي حاجة تاخد اقل من سبع دقائق تقوم حالا تعملها من غير ما تفكر يعني لو فيه لمبة لازم تتغير يبقى تغيرها والا كرسي عايز تغير مكانه يبقى تغير مكانه الحاجات اللي بتاخد وقت قليل بتاخد من مخنا مساحة بدون داعي الحاجات الروتينية لازم تتحط في اماكنها في الملفات يعني اللي بتتعمل كل يوم تتحط في اليومي واللي مرة في الاسبوع تتحط في مكانها بعد كدة لازم تعرف الاولويات وللاسف ده اكتر حاجة بتخلي الانسان يعك الدنيا لانه دايما يسيب الحاجة لغاية لما تبقى مستعجلة ويجري يعملها يقوم يعطل حاجات تانية مهمة حاول تحط الاولويات صح يعني الاهم فالمهم والمستعجل فالاقل استغجالا لكن المهم ان الاولويات تتحط وتبتدي تشتغل على المهام المختلفة لو كنت من النوع اللي بيؤجل فكل سنة وانت طيب حتفضل تؤجل وتشتغل دايما في الحاجات المستعجلة...

كان الله قادرا على دعم سيدنا محمد في الهجرة الى المدينة بدون صديق يلازمه في طريق سفره  العبرة في وجود سيدنا ابو بكر هو ان الاحداث المهمة في حياتنا نحتاج فيها صحبة آمنة ومطمئنة  الصديق في الاسلام كان دعما للنبي والصداقة كانت قوة  ولكن علينا اختيار الصديق قبل الطريق  حين تصل لسن الاربعين يجب ان تكون بالحكمة التي تجعلك تميز بين الاصدقاء وتعلم ايهم يستحق هذه المنزلة