طفلة للابد

كنت مع حفيدي في النادي وطلب مني امرجحه لقيت كل مرجيحه قدامها واحد قاعد على كرسي و بيزق ابنه او حفيده قلتله اطلب من عمو وقول له ممكن ابقى اتمرجح بعد ما تخلص قال له انا لسة واصل قعد حفيدي يناقشني هو ليه مش عايزني اتمرجح في النهاية قلتله علشان هو اناني selfish راح حفيدي جري للراجل وقال له Why are you selfish you are naughty طبعا في تلات دقات كنت في حتة تانية من النادي وباقولهم مين اهل الواد ده

الرفق من الحاجات اللي الرسول وصانا عليها ومن اسس ديننا اننا ما نتعاملش بالعنف حتى في المواقف الصعبة ونشوف اللي قدامنا ايه اللي خلاه عنيف علشان نرفق بحاله الرفق صعب توصل له بس حاول الرفق زينة للانسان وليس ضعفا كما يتخيل البعض او كما يزينه الشيطان

مشكلة المسئولين هو ان القرار يتم الاول قبل دراسة تبعاته ثم تحدث مشاكل من القرار الذي تم تفعيله قبل دراسته ثم نبدأ في اخذ قرارات مصاحبة لهذا القرار مثلا نحن لم نقم بتسكين الشباب اصحاب التوكتوك قبل سحبه من الشوارع هناك اماكن التوكتوك فقط يستطيع ان يسير فيها مثل اعماق العشوائيات التي ليس بها شوارع تتحمل السيارات انا لست ضد القرارات السليمة ولكن يجب ان يتم تحديد تبعات القرار وكيفية التغلب عليها

تحليل الكثير من الناس ان احجام الشباب عن العمل سببه الكسل والرغبة في التواكل والاتكال وانا اقول لكم ان تعميم تلك الفكرة هي الخطأ الشباب لا يثق في رجال الاعمال من كثرة ما صدرت لهم ان رجل الاعمال يستغل العاملين ويمتص دمائهم الشباب لا يثق ان المرتب الذي تعده به هو مماثل لما يتعب من اجله الشباب لم يؤهله النظام لتحمل المسئولية ولديه مخاوف كثيرة جدا في المواجهات الشباب اعتاد ان تصل له كل الخدمات لكي يكمل تعليمه ولم يطلب منه اي مسئولية خلال حياته تمهده لان يتحمل مسئولية الوطن الشباب لم يجد عقلا يستوعب مشاكله ولم يجد من يستمع له لقد قمت بتأهيل 12 من شباب نجع ما واعطيته الفرصة ليعمل في مصنع الان استمر فقط منهم 4 حاولت احلل السبب في انقاطاعهم عن العمل في المصنع اول مشكلة هي المواصلات المكلفة والتي تستهلك اكثر من نصف المرتب ثانيها الطعام خلال العمل وهو يكلف ايضا ثالثهما بعد العمل لمدة شهر وجدوا المرتب نصف ما وعدهم المدير واعتقدوا انه يخادعهم رابعهما انهم لم يعتادوا على الالتزام وتم خصم الكثير من مرتبهم ولم يصبر الكثير على هذا الوضع ومن استمر الآن مرتبه 1500 جنيه ولو تم خصم المواصل...

منقولة لما تتكلموا مع مهندسين ما تزعلوش منهم انهم بيقاطعوكم.. ده مش قلة ذوق والله.. لو عرفتوا الحقيقه ها تزعلوا عليهم مش منهم. المهندس لما يتكلم معاك وبعد رابع كلمة من ك، عقله بيدخل فى مرحلة متقدمة من التحليل الكمى للمعلومات مع مستوى متقدم للبرمجة اللغوية مع مراحل عنيفة من معادلات ربط واستنتاج رياضى لمعادلات معقدة من مخزون معلوماتى سابق. . فا بيفترض انت عايز تقول ايه وبيرد على أساسه. يا تفهموهم يا تعاملوهم معاملة أطفال

فيه ناس وفاتهم بتبقى عرس في السماء تحس زي ما يكون الملايكة فرحانة انه اخيرا حيبقى معاهم وفيه ناس بتبقى متبتة في الدنيا بشكل يخلي الملايكة نفسها يفضل في دنيته ومش عايزينه باحسها في وفاة بعض الناس الاقي كمية الدعوات والخير اللي بيتعمل لهم مش ممكن هم لو عايزين يقدروا يعملوه واحد صاحبتي والدها راح الحج ولم يعد سنتين مش عارفين هو فين وخلال السنتين اولاده عملوله عمرات واللي فيهم حج قال يمكن يشوفه وبعد فترة من عمل الخير والصدقات له وجدوه في مكان ما جنب منى كان تعب ونام على كرسي و الحر خلاه مات وجسده لم يتحلل وتعرف عليه اولاده بعدها واتقفل الفصل ده من حياتهم وفيه اللي لما يموت ناس تجري تعمل له عمرة وتتصدق باسمه وتعمل له خير في الدنيا اللهم اجعلنا منهم يارب حقيقي ساعات اقول ياريت الملايكة تستقبلني كدة بشكل كويس ويبقى ساعة الموت دي ساعة فرحة حاقابل فيها العالم التاني الغايب عننا واللي كله خير واللي كله نور الشيخ الشعراوي مرة قال للمذيع بتخافوا من الموت ليه يا جماعة ومش عايزينه ده ذهاب لحياتك اللي لازم تعيشها مش اللي مفروضة عليك

هناك فرق كبير بين الانظمة متناهية الكبر والانظمة متناهية الصغر او متناهية الدقة عندما تفكر في تصميم خلية في انسان لها طريقة في عملها تختلف عن تصميم نجم او كوكب الله سبحانه وتعالى المهندس الاعظم للكون كله وهو العظيم هو اللي خلق الكون من اول مجرة لأصغر ذرة مخي لا يدرك كل هذا انه الواحد الاحد صورة الصافات بتدخلني في الحتة دي بس بيورينا ان ربنا ما خلقهاش وسابها هو بيحفظنا من كل شر ومن كل سوء

مشوار حتمشيه وآخره عارفه وواجبك تؤديه واللي عليك طلعه ايه لازمة المهاتيا لا الصحة في ايدك ولا الشفا معاك ولا الفلوس ضامنة لك حب ولا جاه بيدوم شوف مين في ايده حياتك و عظَّمه اتودد له و صلي له قرب منه زي ما قال لك حتلاقي الدنيا جاية لك وانت زاهدها والناس حواليك حيموتوا على اللي بترميه لكن اليقين مش بيتشرى للاسف # حتة_فلسفة_على_المسا

البسكلتات دي لان الطفلين دول بيتعرضوا للتنمر والاولاد بيتريقوا عليهم طول الوقت و بالتالي سلوكهم كان عدائي والعجلات كان حل لاسعادهم وتمييزهم على الآخرين بالإضافة لان هناك شرط انه لن يتم مكافأة الأطفال الا بموافقتهم

فيه ناس مش عارفة انك بتسكت مش علشان انت غلطان ولكن علشان انت متربي

يوم القيامة ربنا باسمه الجبار حيجبر القلوب المكسورة فاصبر علشان في اليوم ده حتتمنى لو ان قلبك اتفتت الف الف حتة حتتلكك وتبقى عايز تقف بين ايديه وهو بيجبرك # رب_القلوب # الجبار

ما تستقلش خير تعمله الخير ده ممكن يطبب ميزانك واحدة حبيبتي في يوم كلمتني وقالتلي عندي خمسين جنيه عايزاكي تعملي لي بيهم خير انا كنت متأكدة انهم طالعين بالعافية وان ظروفها لا تسمح بأكثر وكانت مكسوفة قوي وانا قلتلها الله عليكي ده انا عايزة اجيب فرخة بياضة لأسرة فقيرة فعلا جبت الفرخة والطفل الفقير قعد سنة يأكل بيض والأسرة كان عندها ديك رقدت على بيض وجابت فرخة تانية والله أعلم الخمسين جنيه دلوقتي اكل منها كام واحد ربنا بيفرح بالقليل زي الكتير الجنيه زي المليون مش عارف يمكن فيه جنيه في المليون راحت تضاعفت وممكن جنيه في المليون اكلت المليون لان فيها شبهة # ربنا_بياخد_من_قلبك_مش_من_جيبك

يقوم الجد والجدة بحفظ التراث لاحفادهم فيعلمونهم ما بقي منهم في جيناتهم وتخرج منهم اصداء التاريخ

انا اعتبر من الناس اللي الاطفال بتحبهم قوي وده لاني لازم ابص له في عينيه ولاني باسمعه لما يتكلم وبادخل العالم بتاعه مش باخده في العالم بتاعي الطفل لما بيلاقي حد بيسمعه وهو مهتم بيتعلق بيه

العدوانية بتتواجد لما تخرج من منطقة الشعور بالأمان خصوصا في لحظات التوتر والمجابهة او التحدي لما تلاقي واحد عدواني في تصرفاته طمنه الاول وبعدين ابقى عاتبه

سورة الزمر من اقوى السور اللي ممكن تقعد شهر تقراها كل يوم تشوفها بشكل مختلف فلسفة عالية قوي وقوة في كل اية سبحان الله

مصر فيها جاذبية خلت كل المستعمرين يتحرشوا بيها لكن محدش عرف يسيطر عليها كل مستعمر نفسه تبقى تبعه لا الرومان ولا اليونان ولا الاتراك ولا الانجليز ولا أي مستعمر غير فينا احنا جيناتنا طاغية احنا دوبناهم ومصرناهم

Mariam Eltabaa احنا مستعمرين نفسنا مننا فينا

H.A.L.T. HUNGRY, ANGRY, LONELY, and TIRED الحالات الاربعة اللي تخليك مش طايق الدنيا وكلها محلولة لما تلاقي نفسك عصبي ومش قادر تستحمل شوف انتي انهي فيهم - جعان - غضبان - وحيد - مرهق ... ... لو كنت من النوع اللي لما يجوع يغلس على نفسه والناس خلي في جيبك زبيب او مشمشية او حاجة من الفواكه المجففة تسد جوعك وتحسن صحتك ... ... لو كنت من النوع اللي لما يغضب يغلس على نفسه وعلى الناس خلي دايما معاك MP3 player فيه اما قرآن او مزيكا مريحه وخذ بعضك واقعد شوية مع نفسك اهدأ قبل ما تقلب اليوم على نفسك وعلى غيرك او ممكن تروح تتوضأ وتصلي لان الوضوء بيطفي الغضب او ممكن تكلم حد مش من النوع المستفز بحيث يسمعك ويهديك ... ... لو كنت من النوع اللي بتشعر بالوحدة وده قالقك ومخليك عصبي على طول يبقى لازم تراجع قائمة هواياتك وتزود كام واحدة تستخدم فيها وقتك كويس وتعيد نظام يومك بحيث تحط فيه شوية جري على حبة رياضة ومش لازم تكون رياضة عالية او غالية يعني الجري او المشي من الرياضات اللي ممكن تستمر فيها ... ... لو بتتعب بسرعة او لو لما تتعب بتبقى عصبي فلازم تعرف حدودك وقبل ما توصل لخط ال...