طفلة للابد

الست لما بتجيب قطة في البيت بتبقى مبسوطة قوي و كل اللي القطة بتعمله انها بتقعد على الكنبة او السرير طول اليوم و تستنى الاكل و الشرب و لازم حد يشيل مكان ما بتخلص نفسها و لما بتحب تتجوز لازم نجوزها علشان تجيب عيال و نحتاس بيها وبعيالها  القطة ما بتتحركش من البيت و لما ترجع الست تقعد تتمسح في رجليها و حواليها و بتعرف الست انها مبسوطة لما تكركر وفي مقابل كدة الست بتطبطب عليها و تجيب لها اكل و تشيل قذارتها  لما تبتدي تخربش في السقف او تعمل في مكان مش مظبوط بتؤدبها و مش بتسيبها توسخ البيت او تبوظ العفش  فيه ستات عايزة جوزها زي القطة قاعد جنبها بيتمسح فيها ويكركر و ما يلخبطش النظام بتاعها جوة البيت و عايزاه كل ما تبعد عنه يزعل و اول ما يشوفها يتمسح فيها و هي تطبطب عليه علشان يكركر  و الراجل مش قطة بيحب يخرج و يجيب فلوس علشان بيته يمشي و مش بيحب الطبطبة الكتير بتخنقه ومش بيكركر بيبقى عايز لحظات من العلاقات الحميمة و تنتهي  تاني يوم الصبح عايز يبتدي يوم جديد يشوف فيه حياته  للاسف ان الستات احيانا مش بتتشارك مع جوزها في افكاره و حياته  الاساس في الحياة هي المشار...

 الراجل لما بيجيب كلب في البيت بيبقى مبسوط بيه قوي و كل اللي الكلب بيعمله انه بيهز ديله لما يشوفه ويقعد جنبه وهو بيتفرج على التليفزيون او مباراة و لما يخرج بياخد باله من البيت محدش يدخله و في مقابل انه بيوفر له الاكل و بيخرج معاه كل يوم علشان يفسحه و يقضي حاجته لما الكلب ياكل العفش و يقطع الستاير و الفرش مش بيعترض وممكن يزعق له و خلاص مش بيسيبه و يرميه في الشارع فيه رجالة بتخلص للكلاب اكثر من زوجاتهم  لان مراته بتعترض لما يتأخر و مش بتقعد جنبه ساكتة ساعة ما يتفرج على مباراة و بتحدد مين اللي ييجي و مين ما يجيش  من الواضح ان بعض الرجالة بتبقى عايزة كلب في البيت بس قابل للاستخدام  رجالة ما عندهاش الشعور بالمسئولية و ان ربنا لما اعطاه القوامة علشان هو اللي يقيم المنزل بماله و رجاحة عقله  بعض الرجال تمزج الرجولة والقوامة بالذكورة و ده خطأ كبير وبيسبب ان العديد من المنازل بتهدم لعدم توافر القوامة الصحيحة للاسرة و البيت  الزوجة شريكة ليست حيوان اليف جاء ليسكن معك فتعطيه الطعام و المنزل و يجب ان يفرح لرؤيتك اينما عدت الى المنزل  الزوجة لديها مشاعر و حياة و رأي...