طفلة للابد

  عبد الهادي كنت في فترات عديدة من حياتي اتعامل مع اطفال الشوارع في مشروع جميل جدا اسمه انتج واكسب بشرف وكرامة وفي هذا المشروع اتعرض لكل انواع الشخصيات المريضة النفسية والمزعجة والضعيفة والقليل القليل من الاطفال الاسوياء الذين رمتهم ظروفهم بين كوكبة من الرجال الصغار المشروع كان يعلمهم بعض المهارات التي تجعلهم قادرين على الكسب الحلال بلا سرقة و لا تسول وكان هذا البرنامج يظهر لي القوي و الضعيف و نهاز الفرص و المغلوب على امره وكنت اشاهد و اكون خبرتي في التعامل معهم بناءا على ما اراه ولكن هناك شخصية استوقفتني لما فيها من حنكة من النادر ان تتوفر في طفل لا يصل الى العاشرة و هو طفل اسمه عبد الهادي وهو من اكثر الاطفال خبثا ودهاءا ويصل الى ما يريده بكل الوسائل وبكل السبل ولكن دون مواجهة واحدة فهو ينتظر ويسير حولك في كل مكان يستمع اليك وانت تتحدث ويدرسك بالكامل ثم يتواجد بجوارك ويحاول ان يبهرك باي عمل لم يعمله هو ويمسك بهذا وذاك ويخبرك بجمال الشيء وهو لم يمسه من قبل سوى في تلك اللحظة ولو كان الواقف غير منتبها لتأكد ان تلك الاشياء التي اراكها كلها من صنعه ولو انطلت عليك الخدعة وشعرت انه يعم...

  انت بخير طالما انك لم تتداعَ و لم تنهار

  كن كحبة البن لا تزيدك الحرارة الا عمق وقوة

 

  إن شاء الله حنبعث شجر للوادي الجديد علشان نحيي بعون الله وإرادته الاقتصاد بدعم صناعة الحرير المكان محتاج 4000 شجرة يتم تشغيلها عند أسر في محافظة البحيرة لتحسين دخلها و للحصول على رزق حلال سيستلم الشجر إحدى جمعيات الوادي و ستزرع تحت إشراف مجلس المدينة للتواصل مع رجب ربيع 01063260617

  لولا النسيان لوجدنا في الحياة أما باكين ابدا وأما ضاحكين ابدا

  اتمنى أن مصر تركز على زراعة الزيتون في الأراضي الرملية و تفتح معاصر لأن زيت الزيتون بمثابة الذهب الاخضر كلما زاد تعداد العالم كلما زاد الطلب عليه وافتكروا اني قلتلكم

  الا اكتئاب الخريف بقى بييجي بدري ليه والا علشان ال global warming

  الا الزمن الجميل و احنا عايشين فيه كنا حاسين انه جميل و الا كنا فاكرين اننا في زمن اغبر

  الموت لا يفرق بين طفل و شاب و كبير السن فهو امر من الله في ساعة معينة تتغير الاحداث و يظل الموت فاجعة في كل الاحوال تظل ذكرياتنا تحوم حولنا و لا تتركنا و نظل نحتفظ بها لاننا لا نريد ان ننسى من فارقونا و ان كنا نحن المفارقون لان دوامنا مع الله دائما وليس في الدنيا ربنا يرحم ويغفر لمن صعدت روحه و يرطب على قلب من بقي و الدوام لله دائما

  لو برامج الذكاء الصناعي بتتعلم من ذكاء البشر يبقى حتلاقوا نسخة مصرية تستخدم الفهلوة و تعمل غير اللي بتطلبه لانك مش فاهم انت عايز ايه وهو اللي فاهم و ما يرضاش يعملك لحسن تاخد الصنعة و تعمل انت كمان و تنافسه و يتعلم يحط البرنامج silent علشان يرد لما يعوز و يقولك انا عملت الحاجة بس انت ما فتحتش زودوا علي حاجات لا يقوم بها إلا المصري الذكي

  فيه ناس ممكن تكره طيبتك اكتر ما انت بتكره شرهم

  فيه قانون اتعلمته من احد مديريني و اسمه 3D وهو بالانجليزي اول حروف لثلاث كلمات تبدأ بحرف D وده بالنسبة لما لديك من ورقيات في المكتب وهو Do it يعني ورق مهم عايز تعمل فيه او منه حاجة Deligate it يعني ورق لازم يتم عمل حاجة بيه وده عن طريق تفويض احد بالقيام به Ditch it يعني ورق مش مهم او ماليش فيه لا اقدر اعمل بيه حاجة ولا حد غيري حيستفيد بيه يبقى ارميه انا باعمل ده في الاخبار و العلم و الاعمال المختلفة اتفاعل مع الحاجات المهمة اللي تفيدني علشان اعمل بيها حاجة او اتعلم الحاجات اللي اقدر اساعد بيها حد من اللي حوالي او ما اسمعش او لو سمعت كاني ما سمعتش للحاجات اللي لا اقدر اغيرها و لا اقدر استفيد بيها و لا اقدر افيد بيها ولذلك باعيش اغلب الاوقات في حالة من السلام النفسي لان مش بادخل دماغي و لا قلبي الحاجات الزيادات اللي تملأ المكان و لا تفيده نصيحة بلاش ننغمس في اخبار و علاقات و اعمال تستهلك حياتنا و حالتنا النفسية و العاطفية فيما ليس له جدوى

 انا لما اقول رأيي فيك مش بيبقى خناقة من حقك تزعل لو رأيي مش عاجبك و لكن مش من حقك تزعل مني علشان صريحة للأسف الناس مش بتحب حد ما يحيهاش زي ما هي بنرفزتها بسخافتها بحبها لذاتها بغيرتها برغبتها في التفوق بأنانيتها انت لازم تحب كل التوليفة دي و لا يحق لك الاعتراض حب نفسك زي ما هي بس حاول تصلح منها على قد ما تقدر علشان ما تسمعش كلمتين يزعلوك من الناس اللي بتقدرها على فكرة محدش زعلان مني انا باتفلسف بس كالعادة

  يعني بقالي اكتر من ستين سنة قدامكم و لا جالي اي عروض من نوادي مصر و لا السعودية و لا حتى ريال مدريد حقا انتم لا تستحقونني حاقدم لي عرض النهاردة و حارفضه و لا الحوجة

  في يوم الصور على الفيسبوك مش حتفكرك بالناس ولكن مواقفهم و اخلاقهم حتفكرك بيهم

  نصيحة زوجية قبل اي خناقة مع جوزك لازم تفكريه بالحلو اللي عمله معاكي و انتي مقدراه و مدى حبكم لبعض و اعتمادكم على بعض و بعدين ابتدي الخناقة بيبقى اهدأ كتير لانه مش بيكون في لحظة تحفز وانتي كمان بتبقى اهدأ لانك افتكرتي الجانب الحلو من حياتكم خناقة سعيدة

  انا مش باتصدم بالناس انا باتعلم منهم حدود الصداقة وباتعلم منهم كمية الضعف الموجود في النفس البشرية وباتعلم منهم معنى العطاء الخالص لله

  ليس كل من يكرهك بعيب بك و لكن قد يكون العيب بأنه غير قادر على الحب

  حاقولها تاني الوحش بتشوفه بسرعة و نفسك و فطرتك بترفضه علشان كدة بيبان قوي الحلو المفترض انه هو السائد و بالتالي لا تشعر احيانا بوجوده لو ماشي في الشارع و ناس ماشيه بتتفرج على المحلات و ناس بتاكل ايس كريم و راجل مع عائلته و سمعت تكسير ولقيت واحد رمى طوبة على فاترينة كسرها مش حتقول الشارع ده فيه الف واحد كويس حتقول الدنيا جرى فيها فتحة واحدة للصرف ممكن تضيع رائحة الف وردة و صريخ سيدة في عزاء يسمع من بعد فلن تسمع الناس صمت الاخرين الحلو موجود و الناس الكويسة مالية الدنيا الوحش بنشوفه ونعلق عليه دايما لا تكتئبوا