للآخر

-

 للآخر

كنت من صغري معجبة جداً جداً بسوبرمان حتى انه كان مثلي الأعلى لولا بس انه كان بيطير ويقدر ينظر عبر الحوائط ولا يخترقه الرصاص وبإمكانه تحويل الفحم الى ماس ويسمع لأكثر من ميت متر لكنت بقيت أنا سوبرمان والقاسم المشترك بينا هو مساعدة الناس وانا باموت في أني أساعد الناس واحصل على كلمة 'عشتي ' اشكرك مرسيه اول اي كلمة تنم عن الرضا وكانت تلك الكلمات تشعرني بوجودي
مرت الايام ودخلت الكلية وكان معايا عربية اروح الكلية وارجع لمامتي على بالليل
ماما : إيه اللي. أخرك
انا: أبدا واحدة أغمى عليها
ماما : تعرفيها
انا: لا
ماما : وبعدين
انا: مانا كنت عايزة أوصلها بيتها
ماما : تعرفيه
لا
ماما : وبعدين
مانا دورت على حد من أصحابها عشان يعرفوني الطريق
ماما : تعرفي حد من أصحابها
انا: لا
ماما : وبعدين
انا: عرفت ألاقي حد من دفعتها
ماما : هي مش دفعتك
انا: لا
ماما : وبعدين
انا: أخذتها ورحنا لبيتها طلع في حتة بعيدة قوي
ماما : حتة تعرفيها
انا: لا
ماما : وبعدين
انا: وصلت لمكان ما ينفعش العربية تدخله فوقفت ودورت على حد يساعدني عشان نشيلها
ماما : وهي ما تمشيش ليه
انا: ما هي تعبانة وبعدين لقيت واحد في محل قلت له شيل قصادي وحطيناها على كرسي وشيلتها
ماما : واللي معاكي ما ساعدتكيش ليه
انا: دي كانت بنت ما تعرفي تشيل
ماما : بعني انتي اللي راجل وبعددددييين
انا: طلعتها للبيت بس باباها مكانش موجود
مسافر
انا: لا متوفي فقلت لمامتها لازم توديها لدكتور ، تعرفي واحد قالتلي لا يابنتي
ماما : وبعدين
انا: قلت أخذها للدكتور بتاعنا
ماما : وبعديننننننننننن
انا: استنيت لما جه اخوها وأخواتها ورحنا سوا للدكتور
ماما : ولما اخوها موجود ماياخذها هو
انا: ما هو ما يعرفش الدكتور بتاعنا
تبدأ نبرة أمي في الارتفاع
ماما : وبعددددددددددين
انا: أبدا رحنا للدكتور وسيبتهم ورحت أجيب لهم اكل
ماما : انتي اللي تجيبي الاكل ، ليه ما هم كلهم معاها
انا: لا ما هم قلقين عليها وجبتلهم غذا وبعدين استنيت لما يكشف الدكتور عشان اطمئن عليها
ماما : هو انتي تعرفيها
انا: لا يا ماما مانا قلتلك من الاول معارفهاش
ماما تتحول الى الرجل الاخضر وتجري ورأيا في البيت وهي بتقول لي
هو انتي ماتعرفيش أمتى توقفي لازم تجيبيني للآخر
وانا مش عارفة ليه بس يعني كنت أسيبها تروح هي وأخواتها واخوها وأمها لوحدهم
All reactions:
حسناء زيتون

تعليقات

إرسال تعليق

المشاركات الشائعة من هذه المدونة

علامة الاذن التيسير

-
  انا جربتها ونفعت احاول ايسر للناس فربنا ييسر لي احاول اعطي للناس فربنا يعطيني احاول افيد الناس فربنا يجعل لي فائدة في كل شيء بس الكلام ده على مدار عمري بس مش في ساعتها علشان تفهموني صح ولازم تكون النية لله خالصة ما استناش هي بتيجي لوحدها والتيسير من عنده ولما ييسر حاجة بادوس على طول ولو متكعبلة باستنى لغاية لما تتيسر علشان علامة الاذن التيسير ولو متكعبلة ما باعتبرش انها غضب من ربنا بالعكس باقول اكيد العقبة دي علشان اتعلم حاجة لما بعد ذلك ما هو اللي في ابتدائي مشكلته يفتكر الحروف واللي في رابعة مشكلته يحفظ جدول الضرب واللي في اعدادي مشكلته يفتكر تاريخ معركة الاناضول واللي في ثانوي مشكلته في الكيمياء والا الفيزياء وكل ما يكبر علمك كل ما تحدياتك بتزيد وعلشان كدة كل ما المشاكل بتكتر كل ما الحكمة بتزيد ما تستعجلش النعمة لانها جاية جاية غصب عنك بس في وقتها
قراءة المزيد

يجب التمهيد لوجود برص في البيت

-
انا ام مثالية ده موضوع مش بنتناقش فيه ده بنعرفه وعشان انا ام مثالية يبقى مش لازم اتخض وافزع قدام الاولاد لان ده معناه ان الاولاد حيتعلموا يخافوا واكم من ست كانت بتخاف من القطط اولادها طلعوا جبناء وبيخافوا هم كمان وبالتالي اي منظر مفزع لازم اتأنى وافكر قبل ما اصرخ او اتخض وعلشان كدة لما وصلنا اول يوم في سلطنة عمان ونمنا في البيت بتاعنا وتاني يوم صحيت من النوم وبافتح الستارة في اوضة السفرة لقيت برص واقف على الزجاج من الناحية التانية ولازق بطريقة مقززه وشكله بجد مقرف ومخيف في نفس الوقت وبالتالي شهقت شهقة كبيرة جابت اولادي من آخر البيت وهم بيقولوا فيه ايه يا مامي مامي كانت اول مرة تشوف برص هي كانت محترفة سحالي في بيت اهلها زمان في الجنينة بتاعتهم لكن برص ده كان جديد وشه مختلف ولونه شبه شفاف يااااع ولكن بما انكم عارفين ان انا ام مثالية فرديت على الاولاد بالآتي الله ياولاد شفتم ده برص الاولاد بصوا على البرص على الزجاج من الخارج ووقفوا يتأملوا رجلين وديل والغريبة انه وقف كدة بتاع ساعة وانا مقشعرة واروح وآجي اطلع اللي في شنط السفر وارتب الحاجة وهم واقفين بيبصوا عليه بعد شوية سمعت بنتي ب
قراءة المزيد

الانسان تاريخ

-
  الانسان تاريخ طول حياتي باتعامل مع الناس وانا مخي دفتر كل ما اشوف حد بيقول لي على حاجة او بيعمل حاجة بتكون علامة في حياتي اتعلمت كتير من دروس كتير ومن ناس كتير حاشارك معاكم اللي اتعلمته تعلمت من ابي ألا أكذب لانه لم يكذب امامي تعلمت من امي ان اعطي مما احب لانها كانت تعطي امامي تعلمت من اخي الوقوف مع الضعيف لانه كان يساند اصدقاءه امامي تعلمت من اختي ان الموضوعية وألا احقد على احد وكنت اشعر بها امامي تعلمت من زوجي ألا أعطي إلا إذا اردت لانه كان يعطي عندما يريد تعلمت من ابني الا اتعجل ادواري التي اقوم بها لانه لم كان لا يستحث الوقت على المرور تعلمت من ابنتي ان احب الجميع ولكن في العمل الحرفية هي الاساس تعلمت من البواب ان اسامح من عاصر يوما عصيبا ومن منا لم يمر به تعلمت من جارتي ان الحب لا ان تري حبيبك ولكن ان تشعري به تعلمت من استاذي ان العلم لا ينتهي تعلمت من البقال ان الحرص يغني وان الغفلة تطمع الاخرين تعلمت من النشال ان ما يضيع منك لا يغيظك ثمنه ولكن يغيظك استغفال الحرامي لك تعلمت من الشباب ان الرعونة لها ثمن ولكن درسها اكثر من اي ثمن تعلمت من الرض
قراءة المزيد