طفلة للابد

تحدث معها فبكت مل من بكائها وتركها لم يعلم انها كانت تبكي الايام التي لم يكن معها تبكي الآلام التي شاهدتها ولم بربت على كتفها بكت جحود الناس لها ولما تركها تبكي وحدها وضعته في قائمة من تبكي منهم وليس اليهم

قال لنفسه سأعطي لو اكتفيت اخذ واخذ واخذ لم يكتف وحين رأى كتابه قال ليتني اعطيت فما اكتفيت و ما سددت ما اخذت

لو انت سيساوي ولقيتك بتتكلم مع واحد في السياسة ولقيته رابعاوي ما تكملش في السياسة ولا تحاول تقنعه بوجهة نظرك وغير الموضوع على طول وقل له انت بتحب المسقعة طب انا عازمك على مسقعة واديها بالعيش البلدي وعيش مصري ولو انت رابعاوي وبتتكلم مع واحد لقيته سيساوي ما تحاولش تقنعه ولا تغير فكره قل له انت بتحب ام علي طب تعالى اكلها معاك في الشيخ وفيق وروحوا كلوا ام علي وانبسطوا في الانفوشي واتمشوا على البحر وخليك مصري وبس احنا مصريين ايا كان اتجاهاتنا فاحنا مصريين 4

من اكل ابني بلحة نزلت حلاوتها في زوري ده مثل مصري صميم وبيقول اللي يحب اللي بحبه فانا احبه انا كمان وده اللي باعمله في العمل الخيري باحب الاولاد وباحبهم بجد والحصيلة ان الاهل هم اللي بيحبوني اكتر من الاولاد ومن هنا تبدأ التنمية وتبدأ الموافقة على المشاريع اللي في صالح الاهل عشان فيه واحد سألني بتقدري تغيري في المجتمع ازاي 9

http://www.slideshare.net/hendmedhat585/march-2014-31814688 صفحة 26 -27 - 28

March 5 مستحيل ان فيه حاجة مستحيلة امال احنا لازمتنا ايه في الدنيا كنا قضيناها في شرانق احسن

ثقافة ابو رجل مسلوخة  زمان كان فيه نظام متبع لما الطفل ما يرضاش ينام فوالدته تخوفه وتقول له نام لحسن اجيبلك ابو رجل مسلوخة  او نام لحسن امنا الغولة تاكلك  او لو ما سمعتش الكلام حاحطك في اوضة الفيران  اي ان الطفل يتربي بالترهيب  الحمد لله اخترع العالم الغربي حقوق الانسان على الرغم من انها موجودة من الايام الاولى للاسلام وعلى الرغم من حبنا العظيم لسيدنا محمد والتغني به وبحياته الا ان الام المصرية قا هرة الصعاب في اوائل القرن الماضي كانت تستخدم هذه الوسائل لمن يعارضها القول ولذلك كان الطفل المصري لو ما لاقاش كبير يشتريله كبير والا عايزين نحطكم مع الفيران بعد الجيل الاول المتعلم من السيدات المصريات وبعد الثورة اصبح تعليم المرأة اساسي وبدأ جيل الاطفال التليفزيوني والذي اضحى يناقش الامهات في كل المسائل المتعلقة بامنا الغولة وابو رجل مسلوخة ومع الطب الحديث يسأل الطفل المصري هو ابو رجل مسلوخة اتسلخت ليه وهو ما عالجهاش ليه وعاصرت انا في احدى المرات التي كنت اقص فيها اولى قصصي الطويلة للاطفال على اولادي وكان البطل عفريت اسمه فيفي وهو شكلة فظيع وحين اخبرت حماتي بالقص...

الاسوأ من التعنيف هو التجاهل اشتمني لكن ما تسيبنيش اموت اضربني لكن ما تعديش من غير ما تحس بي ولذلك امر الرسول بتجنب بعض الاشخاص لامتناعهم عن الخروج للحرب في المدينة حتى ضاقت بهم الارض بما وسعت

الا تكفيك نعمة الا يتألم حبيب بجوارك ولا تعرف كيف توقف آلامه الا يكفيك نعمة ان تنام بلا الم 

قبل ما اقول لمراتي عايزين نحوش مش الاول ابطل اخلي صحابي ياخدوا من جيبي ويصرفوا على السينما والا ياخدوا من مصرف البيت ويطلعوا يصيفوا في اوروبا مش ممكن تقول لمراتك اقتصدي يا ست وانت سايب الناس تسرقك عيني عينك وساكت احنا مش ممكن نشد الحزام وفيه ناس مرتباتها في الحكومة ربع مليون واكتر وبياخدوا نسبة من الدخول بتاعة وزارتهم فيه مديرين لهم نسب من الدخل للوزارة او المنشأة بامارة ايه مش حنبتديها شدوا الحزام قبل ما نشوف اللي فوق بيشدوا هم الحزام الاول

محرك يقف امامه مقاوم حياة هي ونتأرجح بين القوتين ايهما صوب وايهما خطأ الهدف هو من نختار ونسعى ما بين محرك و مقاوم

لما تشوف قطة بتشرب ميه تعرف انك في نعمه ان عندك ايدين وبتقدر تشرب وترتوي في اقل وقت وباقل مجهود  في النار بيشربوا شرب الهيم يعني البني ادم منهم يقعد على رجليه ويمد لسانه عشان يشرب وعمره ما يرتوي 

الحكومة بتاخد فلوسها منين من موارد الدولة والدولة دي بتاعة مين كل المصريين يعني الموارد دي مش بتاعة الحكومة صح انا حاسة ان فيه ناس اكبر من الحكومة ومستخبية تحت وهي اللي بتعرف كل الموارد وكل حاجة وهي اللي بتساعد وتقصي انا عايزة امد ايدي اجيبهم الناس دي بس ياريت اعرف فين لان الحكومات بتتغير والقصة بتتكرر او يمكن غاز اصفر بيشموه في مجلس الوزراء يغيرهم ويحولهم فامباير يمصوا دمنا انا عايزة اصل للسر العظيم

مش كل جنازة فيها ميت ومش كل من ادفن مات فغاندي ما زال يتنفس بيننا بافكاره نابذه التمييز العنصري والفرقة وكم من شخص يسير وسطنا وهو متوف

اخبار كثيرة تنشرها الجهات اياها عشان تعرف الناس اياها حتوافق عليها والا لأ ولو لقيت الناس اياها مش موافقة تقوم الجهات اياها تطلع خبر من جهات تانية ان الخبر بتاع الجهات اياها مش صحيح بتفكرني باولادي لما واحد يقنع واحد يقول لي عايز يروح رحلة مع النادي ولما اقول له لأ او ازعق له يقوم التاني اللي هو المحرض الكبير يمسك الاولاني من ايده ويقول له يا عم ما ينفهش انا قلتلك من الاول الرحلة دي خطر وبعدين انت جبت تقدير مش حلو في العربي طبعا في النهاية باسمع ضرب وزعيق بس في السياسة عادة بتكون مترتبة

عاش احدهم في دائرة احبها لانه شعر انها تلتف حوله مثل رحم الام وكلما حاول وضع قدمه خارج الدائرة شعر بلسعات في كل جسدة آلام لم يحتملها فعاش في الدائرة وحوله مستطيلات مليئة بالورود لا يستطيع الوصول لها اكل الكوسة التي نبتت في دائرته ولم يجرب ابدا الباذنجان

حسمت جماهير مصر الخلاف على السلطة لصالح السلطة الحالية وايا كانت الدوافع والاسباب والطرق والاساليب فعلينا ان نتكاتف لارساء قواعد المجد الجديدة الشفافية العدالة الاجتماعية التوزيع العادل للثروات الحد الاقصى للاجوز الرقابة الكاملة على موارد الدولة التنمية الزراعية والصناعية القضاء العاجل على الجهل والتعليم الجاهل والجهلاء الرعاية الصحية المتكاملة للاطفال وكبار السن توزيع جغرافي عادل للسكان مشاريع ضخمة تستنفذ طاقة الشباب لبناء المستقبل التواجد الافريقي والدعم العلمي لبلدان افريقيا ومساعدتها للنهوض الاتحاد العربي الكونفدرالي والتكامل بين البلدان العربية دعم الازهر ومنارة الاسلام المعتدل تنقية المنابر من التشدد الترابط المصري بين اطراف البلد من سيناء لمرسى مطروح ومن رشيد لحلايب

اتعلمت من صغري ان البيانو جزء مهم من التعليم بتاعي المدرسة اسمها كيتي تيجي كيتي وتعلمني وانا اتمرن ولما يجوا ضيوف تعالي يا كوكا ورينا الشطارة طبعا التعليم غير الهواية انا باتعلم بيانو مش بالعب يعني لما اقول دو والكتاب يقول دو والاستاذ العظيم باخ قال دو ما ينفعش ساعتها العبها ري ولا مي قوم بقى اييه وانا باضرب النوتة احط ايدي بالغلط على ري واسكت وابص لمامتي قال يعني مامتي ممكن تفتن وتقول لباخ مثلا اني بابوظ التراث بتاعه والمقطوعة تقف والمعزوفه تتلخبط وفي الآخر الناس كلها تعرف اني غلطت وقعدت والدتي تقنعني ان محدش من اللي قاعدين فاهمين ان النوتة بتاعة باخ فيها دو في الحتة دي وبالتالي من الانسب اني لما اغلط امشي الامور وما افهمش حد اني غلطت واكمل طبعا مش طبيعتي ومش باقدر واكيد بما اضرب صباع غلط اجز على اسناني وابص لمامتي بصات كلها معاني علشان حلتني اتخابث على اصحابها وافهمهم ان باخ العظيم كان بيلعب غلط عدت الايام وكرهت كيتي وكرهت البيانو بس لما قامت حرب اكتوبر المجيدة وكنت في اسكندرية لوحدي وماليش فيها اصحاب قررت العب بيانو تاني بس بحب حبيت البيانو على كبر حبيت النوتة ا...

الحياة مجموعة من العقبات توضع امامك لكي تعبرها فتصل الى اليوم الذي ياتيك فيه ملك الموت فلا تجد الثانية الواحدة التي يمكن ان تقيم فيها ما تعمل واو ما لم تعمل 2013 كانت معوقاتها للاخواني : يشعر انه يفني نفسه ولا يقدر له احد ما يفعله وهو لا يعلم ان ما يفعله يتسم بالانانية واحادية التفكير وان هناك من يتصيد له الاخطاء ولم تكن لديه الحكمه الكافية للبقاء متماسكا ومحبا للوطن قدر حبه لجماعته وبالتالي تمكنت كل القوى المضادة من اسقاطه وهو ظل متكبرا مكابرا مغالبا كل من حوله واثقا في قدرته على البقاء بقوة السلاح الى ان جاء اليوم الذي فاق رد الفعل كبرياءه وعلم باليقين انه مخدوع في نفسه للمصري الليبرالي : شعر ان الاخوان اخذوه عنوة وظل يشك في النتيجة والانتخابات وكل ما يحيط بهم وظل قوى الخوف من الديكتاتورية الدينية تحيط بهم الى ان اسقط خوفهم كبرياء الاخوان ولكن من الخوف للكره للقسوة في التعامل للرغبة في الافناء الثائر المصري تجمدت مشاريعه ووقفت حياته انتظارا لوعودا بالنهوض للبلد وتكسرت على صخرة القوى المتناحرة صاحبة المصالح وبكى على المفقود وحاول اصلاح الموجود ففشل وانتهت اماله بان انضم الى اللي...

كل واحد مننا عايزله اصحاب عايز حد يحبه ويتصاحب عليه ويبقى معاه على طول انا طول عمري باغير مدارس من مدرسة لمدرسة وفي كل مدرسة اخذ شوية وقت لغاية لما اعمل اول صاحبة لي وهوبا بقى المدرسة كلها اصحابي عشان بافك من الخوف والقلق مرة رحت مدرسة في ليبيا وكان اول مرة اتكلم مع الليبيات وكانوا بيخلوني اتكلم عشان بافكرهم بفاتن حمامة وبالاخص اني كنت في المدرسة ومعايا واحدة بس مصرية وكانت بتتكلم معاهم بالليبي ولكن انا ماما كانت تقول مش عايزة حد يتكلم الا مصري وفي مرة قعدت جنبي واحدة بنت كانت في منتهى الجمال زي الاميرات اللي في القصص طول وحلاوة والوان ورقي في الشكل ولكنها كانت عايزة تسألني على حاجات بالمصري كل الفصل ساكت وهي جنبي وانا انبسطت انها عايزة تصاحبني لانها اجمل بنت بحقيقي بالاضافة لذكاءها يعني كانت الاولى على الفصل قبل ما اكشر انيابي طبعا قعدت تسألني على الكلمات الابيحة في اللهجة المصرية وهي ما تعرفش ان احنا في بيتنا ما نطلعش العيبة وانا من الاصل ما كنتش اعرفها ولا اعرف معناها من اصله المهم اجتهدت عشان ما ابانش عبيطة وبقيت اقولها اي هجص في اي هبالة راحت بعد ما عملت صاحبتي وبعد الفس...